സ്കൂൾ ഉച്ചഭക്ഷണ പദ്ധതിക്കായി 262.33 കോടി രൂപ അനുവദിച്ചതായി പൊതുവിദ്യാഭ്യാസ മന്ത്രി വി. ശിവൻകുട്ടി.
പാചകത്തൊഴിലാളികൾക്കുള്ള ശമ്പളവും പാചക ച്ചെലവും ഉൾപ്പെടുന്നതാണ് ഈ തുക. കേന്ദ്രവിഹിതമായ 167.38 കോടി രൂപ ഈ മാസം ലഭിക്കുകയും സംസ്ഥാന വിഹിതമായ 94.95 കോടി രൂപ അനുവദിക്കുകയും ചെയ്യുകയായിരുന്നു.
ഈ അധ്യയനവർഷത്തിൽ 278 കോടി രൂപയാണ് കേന്ദ്രവിഹിതമായി മൊത്തം ലഭിക്കേണ്ടത്.
അതിൽ 110.38 കോടി രൂപകൂടി ഇനി ലഭ്യമാകാനുണ്ടെന്നും മന്ത്രി വ്യക്തമാക്കി