എറണാകുളത്തുനിന്നും കോട്ടയം – കൊല്ലം-കൊട്ടാരക്കര-ചെങ്കോട്ട വഴി വേളാങ്കണ്ണിയിലേക്ക് ആരംഭിച്ച സ്പെഷല് ട്രെയിന്റെ കാലാവധി നവംബര് 15ന് അവസാനിക്കുമെങ്കിലും വേളാങ്കണ്ണി-നാഗൂര് തീര്ഥാടകരുടെയും മറ്റ് യാത്രക്കാരുടെയും ആവശ്യം പരിഗണിച്ച് ജനുവരി 31 വരെ ആഴ്ചയില് ഒരു ദിവസം സ്പെഷല് ട്രെയിനായി ഓടിക്കുന്നതിന് നടപടികളാരംഭിച്ചു.
എറണാകുളത്തുനിന്നും കോട്ടയം വഴിയുള്ള വേളാങ്കണ്ണി സ്പെഷല് ട്രെയിന് നവംബറില് നിര്ത്തലാക്കുന്നുവെന്ന വാര്ത്തകളെത്തുടര്ന്നു കൊടിക്കുന്നിൽ സുരേഷ് എംപി സതേണ് റെയില്വേ ജനറല് മാനേജര് ആര്.എല്. മല്യ, ചീഫ് ഓപ്പറേറ്റിംഗ് മാനേജര് നീനു ഇട്ടിയവിര, ചീഫ് ട്രാഫിക് മാനേജര് ശിവകുമാര് എന്നിവരുമായി വിഷയം ചർച്ച ചെയ്തിരുന്നു. ജനുവരി 31 വരെ നീട്ടാന് റെയില്വേ ബോര്ഡില് ശിപാര്ശ ചെയ്യുന്നതിനുള്ള തീരുമാനം എടുത്തിട്ടുണ്ടെന്നും കൊടിക്കുന്നില് സുരേഷ് എംപി പറഞ്ഞു.