മട്ടന്നൂർ: ചാവശേരിയിൽ ആർഎസ്എസ് -എസ്ഡിപിഐ പ്രവർത്തകർ തമ്മിലുണ്ടായ സംഘർഷവുമായി ബന്ധപ്പെട്ട് അഞ്ചുപേരെ മട്ടന്നൂർ പോലീസ് അറസ്റ്റ് ചെയ്തു. എസ്ഡിപിഐ പ്രവർത്തകരായ ചാവശേരിയിലെ കെ. സഹദ്, കെ.പി. അജ്മൽ, പി.എം. സാജിർ, ആർഎസ്എസ് പ്രവർത്തകരായ സി.പി. മഹേഷ്, ബൈജു എന്നിവരാണ് അറസ്റ്റിലായത്. കൂടുതൽ പേർ കേസിലുൾപ്പെട്ടിട്ടുള്ളതിനാൽ ഊർജിതമായ അന്വേഷണമാണ് പോലീസ് നടത്തുന്നത്. കൂത്തുപറമ്പ് എസിപി പ്രദീപൻ കണ്ണിപ്പൊയിലിന്‍റെ നേതൃത്വത്തിൽ പ്രദേശത്ത് കനത്ത സുരക്ഷ ഒരുക്കിയിട്ടുണ്ട്. ചാവശേരി, പത്തൊമ്പതാംമൈൽ, കൂരൻമുക്ക്, നരയമ്പാറ, ഉളിയിൽ, പുന്നാട് തുടങ്ങിയ പ്രദേശങ്ങളിലും പോലീസ് കാവൽ ഏർപ്പെടുത്തിയിട്ടുണ്ട്. കഴിഞ്ഞ ദിവസമുണ്ടായ സംഘർഷത്തിൽ വീടുകളും വാഹനങ്ങളും തകർന്നിരുന്നു. സംഭവത്തിൽ 50 പേർക്കെതിരേ ഒമ്പത് കേസുകൾ രജിസ്റ്റർ ചെയ്തിട്ടുണ്ട്.
ചാവശേരിയിലെ സംഘർഷം; അഞ്ചുപേർ അറസ്റ്റിൽ
