മാനന്തവാടി: മാനന്തവാടി ഫെഡൽ ബാങ്കിന് സമീപം റോഡിൽ നിന്നും കളഞ്ഞുകിട്ടിയ 5000 രൂപയും വിവിധ രേഖകളും അടങ്ങിയ പേഴ്സ് ഉടമസ്ഥന് തിരികെ നൽകി യുവാക്കൾ മാതൃകയായി. അമ്പായത്തോട് സ്വദേശികളായ അനൂപ്.കെ ഗോപി, സച്ചിൻ.കെ പോൾ എന്നിവർക്കാണ് പേഴ്സ് കളഞ്ഞുകിട്ടിയത്. തുടർന്ന് ഇവർ പേഴ്സ് മാനന്തവാടി പോലീസ് സ്റ്റേഷനിൽ ഏൽപ്പിക്കുകയും മണിക്കൂറുകൾക്കുള്ളിൽ പോലീസ് ഉടമ സ്ഥനെ കണ്ടെത്തി ഏൽപ്പിക്കുകയുമായിരുന്നു. മലപ്പുറ സ്വദേശിയായ ടി.ബാസിലിന്റേതായിരുന്നു പേഴ്സ്.