കൊട്ടിയൂർ : കൊട്ടിയൂർ ഗ്രാമപഞ്ചായത്ത് 2022-23 വാർഷിക പദ്ധതിയിൽ ഉൾപ്പെടുത്തി ഗുണഭോക്താക്കൾക്ക് നൽകുന്ന മുച്ചക്ര വാഹനങ്ങളുടെയും ശ്രവണസഹായികളുടെയും വിതരണം നടന്നു. കൊട്ടിയൂർ ഗ്രാമപഞ്ചായത്ത് ഓഫീസിൽ വച്ച് നടന്ന ചടങ്ങ് പഞ്ചായത്ത് പ്രസിഡന്റ് റോയ് നമ്പുടാകം ഉദ്ഘാടനം ചെയ്തു.
2022-23 വാർഷിക പദ്ധതിയിൽ 5 ലക്ഷം രൂപ വകയിരുത്തി അർഹരായ 3 പേർക്ക് മുച്ചക്ര വാഹനവും 2 ലക്ഷം രൂപ ചിലവിട്ട് പഞ്ചായത്തിലെ വിവിധ വാർഡുകളിൽ നിന്നും തിരഞ്ഞെടുത്തവർക്കായി ശ്രവണ സഹായിയുമാണ് നൽകിയത്.
ക്ഷേമകാര്യ സ്റ്റാൻഡിങ് കമ്മറ്റി ചെർപേഴ്സൺ ഉഷ അശോക് കുമാർ അദ്ധ്യക്ഷത വഹിച്ച ചടങ്ങിൽ ഐ സി ഡി എസ് സൂപർവൈസർ എം സി സിഞ്ചു, പഞ്ചായത്ത് സ്ഥിരം സമിതി അധ്യക്ഷന്മാരായ ജീജ ജോസഫ്, ഷാജി പൊട്ടയിൽ, പഞ്ചായത്ത് അംഗങ്ങളായ ജോണി ആമക്കാട്ട്, ലൈസ ജോസ്, ഷേർളി പടിയാനിക്കൽ, ജെസ്സി ഉറുമ്പിൽ, ബാബു കാരുവേലിൽ, ബാബു മാങ്കോട്ടിൽ തുടങ്ങിയവർ പങ്കെടുത്തു