കണിച്ചാർ: ഇസ്രായേലിൽ കൃഷി രീതി പഠിക്കാൻ പോവുന്ന കേരള സംഘത്തിൽ കണിച്ചാർ ചാണപ്പാറ സ്വദേശി സ്റ്റാൻലി ജോസഫും. സംസ്ഥാന കൃഷിവകുപ്പ് കർഷകർക്കായി ഒരുക്കിയിട്ടുള്ള പഠനയാത്ര സംഘത്തിലാണ് അമ്പലിത്തിങ്കൽ സ്റ്റാൻലിയും ഉൾപ്പെട്ടത്. ജില്ലയിൽ നിന്ന് മയ്യിൽ പഞ്ചായത്തിലെ മറ്റൊരു കർഷകനും സംഘത്തിലുണ്ട്.
സംസ്ഥാനത്ത് നിന്ന് തെരഞ്ഞെടുത്ത 26 കർഷകർക്കൊപ്പം രണ്ട് ഉദ്യോഗസ്ഥരുമാണ് സംഘത്തിലുള്ളത്.ഇസ്രായേൽ സാങ്കേതികവിദ്യകൾ മനസ്സിലാക്കി കേരളത്തിലെ കൃഷിയിടങ്ങളിൽ പ്രയോഗിക്കുന്നതിന് കർഷകർക്ക് പരിശീലനം ലഭിക്കും.
ഏഴ് ദിവസത്തെ പഠനത്തിനായി സ്റ്റാൻലി ശനിയാഴ്ച നെടുമ്പാശ്ശേരിയിലേക്ക് പുറപ്പെട്ടു. ഞായറാഴ്ച പുലർച്ചെ നാലുമണിക്ക് സംഘം ഇസ്രായേലിലേക്ക് പുറപ്പെട്ടു