കേരള ബാങ്കിന്റെ നിഷ്ക്രിയ ആസ്തി റിസർവ്‌ ബാങ്ക്‌ നിശ്ചയിച്ച ആറുശതമാനത്തിൽ താെഴ നിലനിർത്തുകയെന്ന ലക്ഷ്യത്തോടെ ആരംഭിച്ച മിഷൻ 100 ജില്ലയിൽ തുടങ്ങി. 600 കോടി രൂപ 100 ദിവസത്തിനുള്ളിൽ പിരിച്ചെടുക്കാനാണ്‌ പദ്ധതിയിലൂടെ ലക്ഷ്യമിടുന്നത്‌. കണ്ണൂർ ജില്ലയിൽ കിട്ടാക്കടമായിട്ടുള്ള 100 കോടിരൂപ പിരിച്ചെടുക്കും. വായ്പക്കാർക്ക്‌ പരമാവധി ആനുകൂല്യം പദ്ധതിയിലൂടെ നൽകും. ഡയറക്ടർ കെ. ജി. വത്സലകുമാരി ഓഗസ്റ്റ് 1 ന് ഉദ്ഘാടനം ചെയ്തു. ജനറൽ മാനേജർ എം. പി. ഷിബു അധ്യക്ഷനായി. ഡെപ്യൂട്ടി രജിസ്‌ട്രാർ പി. നിഷ, ഡി. ജി. എമ്മുമാരായ പി. പി. മനോജ്‌, കെ. സുരജ, ലീന കക്കരിക്കൻ, റിക്കവറി സീനിയർ മാനേജർ എം. രാജൻ എന്നിവർ സംസാരിച്ചു.
കേരള ബാങ്ക്‌ മിഷൻ 100 കണ്ണൂരിൽ തുടങ്ങി
