കണ്ണൂർ: സ്ത്രീകൾക്കു നേരെയുള്ള അതിക്രമങ്ങൾക്കെതിരേ പരാതി നൽകാൻ ജില്ലയിൽ വിപുലമായ സൗകര്യങ്ങളുമായി വനിതാ ശിശുവികസന വകുപ്പ്. കളക്ടറേറ്റിലെ വുമൺ പ്രൊട്ടക്ഷൻ ഓഫീസുൾപ്പെടെ ഒന്പതു കേന്ദ്രങ്ങളിലാണ് അതിക്രമങ്ങളെപ്പറ്റി പരാതിപ്പെടാൻ സൗകര്യം ഒരുക്കിയിട്ടുള്ളത്.
സർക്കാരിന് കീഴിൽ കളക്ടറേറ്റിലെ വുമൺ പ്രൊട്ടക്ഷൻ ഓഫീസ് (8281999064), 24 മണിക്കൂറും പ്രവർത്തിക്കുന്ന കൂത്തുപറമ്പിലെ സഖി വൺ സ്റ്റോപ്പ് സെന്‍റർ (7306996066), തലശേരി ഗവ. മഹിളാ മന്ദിരം (04902321511), എൻജിഒകളായ തളാപ്പിലെ ഹൃദയാരാം സർവീസ് പ്രൊവൈഡിംഗ് സെന്‍റർ (9447278001), പഴയങ്ങാടി ശാസ്ത (8075466112), പള്ളിക്കുന്നിലെ മലബാർ സോഷ്യൽ സർവീസ് സൊസൈറ്റി (9497 838063), ചാലോട് പീപ്പിൾ ആക്ഷൻ ഫോർ കമ്യുണിറ്റി എംപവർമെൻറ് (9946678858), തലശേരി ടിഎസ്എസ് (04902 342270), മേലെ ചൊവ്വയിലെ ഐആർപിസി (9061462985) എന്നിവിടങ്ങളിലാണ് പരാതികൾ നൽകാനാകുക.
സ്ത്രീകൾക്ക് ഏതു സമയത്തും പരാതികളുമായി വനിതാ ശിശുവികസന വകുപ്പിനെ സമീപിക്കാം. വീടുകളിലോ തൊഴിൽ സ്ഥലങ്ങളിലോ പൊതുയിടങ്ങളിലോ സ്ത്രീകൾ അതിക്രമം നേരിടുകയാണെങ്കിൽ ഉടൻ പരാതി നൽകാവുന്നതാണ്. നേരിട്ടോ ഫോൺ വഴിയോ ഇ മെയിൽ വഴിയോ പരാതി നൽകാ മെന്ന് വനിതാ സംരക്ഷണ ഓഫീസർ പി. സുലജ അറിയിച്ചു.