മട്ടന്നൂർ: സ്കൂൾ സമയങ്ങളിൽ സർവീസ് നടത്തിയ 25 ലോറികൾ പിടികൂടി. നിരോധനം ലംഘിച്ച് സർവീസ് നടത്തിയ ടിപ്പർ അടക്കമുള്ള ലോറികളാണ് മട്ടന്നൂർ പോലീസ് കസ്റ്റഡിയിലെടുത്തത്. മട്ടന്നൂർ ടൗണിൽനിന്നും സ്കൂൾ പരിസരങ്ങളിൽനിന്നുമായാണ് എസ്ഐ കെ.വി. ഉമേഷിന്‍റെ നേതൃത്വത്തിൽ ലോറികൾ കസ്റ്റഡിയിലെടുത്തത്. വരും ദിവസങ്ങളിലും കർശന പരിശോധന നടത്തുമെന്ന് എസ്ഐ കെ.വി.ഉമേശൻ പറഞ്ഞു. പിടികൂടിയ വാഹനങ്ങൾ പിഴ അടപ്പിച്ച് വിട്ടുകൊടുത്തു. ഡ്രൈവർമാർക്ക് മട്ടന്നൂർ പോലീസ് സ്റ്റേഷൻ ഇൻസ്പെക്ടർ എം. കൃഷ്ണൻ, എസ്ഐ കെ.വി. ഉമേശൻ എന്നിവർ സ്റ്റേഷനിൽ ബോധവത്കരണ ക്ലാസും നൽകി.
സ്കൂൾ സമയത്ത് സർവീസ് നടത്തിയ 25 ലോറികൾ പിടികൂടി
