കണ്ണൂര്‍: ശിശുകേന്ദ്രീകൃതവും ശാസ്ത്രീയവുമായ മാര്‍ഗനിര്‍ദേശങ്ങള്‍ അവലംബിച്ച് ബേബി റൂട്ട്‌സ് എന്നപേരില്‍ മാതൃകാ ശിശുപരിപാലന കേന്ദ്രം ജൂണ്‍ ഒന്നു മുതല്‍ കണ്ണൂർ തളാപ്പില്‍ പ്രവര്‍ത്തനം ആരംഭിക്കുമെന്ന് ജയിംസ് മാത്യു അറിയിച്ചു. ആദ്യം രജിസ്റ്റർ ചെയ്യുന്ന 30 രക്ഷിതാക്കളുടെ കുട്ടികള്‍ക്കാണ് അവസരം. ഒരു കുഞ്ഞിന്‍റെ ആറു വയസ് വരെയുള്ള കാലം ബുദ്ധിവികാസത്തിനും ശേഷീവര്‍ധനവിലും വ്യക്തിത്വ രൂപീകരണത്തിലും നിര്‍ണായകമാണ്. ഇതിന് ഉതകുന്ന പ്രവര്‍ത്തനങ്ങളാണ് ബേബി റൂട്ട്സില്‍ അവലംബിച്ചിരിക്കുന്നത്. ഇതിനായി എന്താണ് ഉത്തരവാദിത്വ രക്ഷാകര്‍തൃത്വം എന്ന് ബോധവത്കരിക്കാന്‍ രക്ഷിതാക്കള്‍ക്കായി മേയ് 1, 8, 15 തീയതികളില്‍ ശില്പശാല സംഘടിപ്പിക്കും. മേയ് ഒന്നിന് രാവിലെ പത്തിന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടക്കുന്ന ശില്പശാലയിൽ ഡല്‍ഹി ആസ്ഥാനമാക്കി പ്രവര്‍ത്തിക്കുന്ന ഉഷാമേനോന്‍, ശിശുപരിപാലന മേഖലയിലെ വിദഗ്ധര്‍, വിദ്യാഭ്യാസ പ്രവര്‍ത്തകര്‍ എന്നിവര്‍ പങ്കെടുക്കും. ആറു വയസിന് താഴെയുള്ള കുട്ടികളുടെ രക്ഷിതാക്കള്‍ക്ക് ശില്പശാലയില്‍ പങ്കെടുക്കാം. ഫോണ്‍: 8111999762, 8111999763.
‘ബേബി റൂട്ട്‌സ്’ശിശുപരിപാലകേന്ദ്രം ജൂണ്‍ ഒന്നിന് പ്രവര്‍ത്തനമാരംഭിക്കും
