കണ്ണൂർ: കണ്ണൂർ കോർപറേഷനെ സന്പൂർണ്ണ കാൻസർ നിയന്ത്രിത മേഖലയായി മാറ്റുന്നതിനായി, കണ്ണൂർ സോണിൽ നടപ്പിലാക്കുന്ന സമഗ്ര കാൻസർ നിയന്ത്രണ പദ്ധതിയുടെ ഗ്രാമതല ക്യാന്പുകൾ നാളെ പയ്യാന്പലം ടൗണ് ഹയർ സെക്കൻഡറി സ്കൂളിൽ ആരംഭിക്കും. 20 ന് തളാപ്പ് മിക്സഡ് യുപി സ്കൂളിലും 23 ന് മൈതാനപ്പള്ളിയിലും ക്യാന്പുകൾ നടത്തും. രോഗസാധ്യതാലക്ഷണം കണ്ടെത്തുന്നവർക്ക് ക്യാന്പിൽ വിദഗ്ധ പരിശോധന ലഭ്യമാക്കും. അതിനുപുറമേ 35 നും 55 നും ഇടയിൽ പ്രായമുള്ള വിവാഹിതരായ 100 സ്ത്രീകളെ വീതം ഓരോ ക്യാന്പുകളിലും ഗർഭാശയ-ഗള കാൻസർ പരിശോധനയും നടത്തും. ക്യാന്പ് ദിവസം രാവിലെ ഒന്പതിന് പരിശോധനയ്ക്കെത്തുന്നവർ സ്പോട്ട് രജിസ്ട്രേഷൻ നടത്തണം. ആദ്യം രജിസ്റ്റർ ചെയ്യുന്ന 100 പേർക്കാണ് പരിശോധന. വിദഗ്ധ ഡോക്ടർമാരുടെ പരിശോധനയിൽ നിന്നും തുടർ പരിശോധനകൾ നിർദേശിച്ചവർക്ക് പദ്ധതിയുടെ ഏറ്റവും പ്രധാനപ്പെട്ട ഘട്ടമായ മെഗാ ക്യന്പിൽ 27 ന് അത്യന്താധുനിക സൗകര്യങ്ങളടങ്ങിയ സഞ്ചരിക്കുന്ന ആശുപത്രിയായ “സഞ്ജീവനി ടെലി-ഓങ്കോനെറ്റ്” യൂണിറ്റിന്റെ സേവനവും ലഭ്യമാക്കും.
previous post