സ്റ്റേറ്റ് ബാങ്ക് ഓഫ് ഇന്ത്യ കോളയാട് ശാഖയുടെ രണ്ടാമത് വാർഷികാഘോഷവും, ഇടപാടുകാരുടെ സംഗമവും ബേങ്ക് ഹാളിൽ നടന്നു

കോളയാട് :സ്റ്റേറ്റ് ബാങ്ക് ഓഫ് ഇന്ത്യ കോളയാട് ശാഖയുടെ രണ്ടാമത് വാർഷികാഘോഷവും, ഇടപാടുകാരുടെ സംഗമവും ബേങ്ക് ഹാളിൽ നടന്നു.ബാങ്ക് ശാഖാ മാനേജർ പി.സുബ്രഹ്മണ്യൻ്റെ അദ്ധ്യക്ഷതയിൽ എസ്.ബി.ഐ റീജിയണൽ മാനേജർ ടി.വി.സഞ്ജീവ് പരിപാടി ഉദ്ഘാടനം ചെയ്തു. കോളയാട് വികസന സമിതി പ്രവർത്തകരായ ജോർജ്ജ് കാനാട്ട്, ഒ.ബാലൻ നമ്പ്യാർ, കെ.ഇസ്മയിൽ, എൻ.ജനാർദ്ദൻ, വ്യാപാരി വ്യവസായി ഏകോപന സമിതി യൂണിറ്റ് പ്രസിഡണ്ട് കെ.ജെ. മനോജ് എന്നിവർ ചടങ്ങിന് ആശംസകൾ നേർന്നു. ഇടപാടുകാരുടെ ചോദ്യങ്ങൾക്ക് റീജിയണൽ മാനേജർ മറുപടി നൽകി.പി.ജി.പ്രസാദ് ചടങ്ങിന് നന്ദി പറഞ്ഞു