കണ്ണൂര്: കണ്ണൂര് രാജ്യാന്തര വിമാനത്താവളത്തില് എയര്പോര്ട്ട് ഹെല്ത്ത് ഓര്ഗനൈസേഷന് (എപിഎച്ച്ഒ) യൂണിറ്റ് അനുവദിക്കണമെന്ന് വി.ശിവദാസന് എംപി ആവശ്യപ്പെട്ടു.
നിലവില് കേരളത്തിലെ മറ്റ് വിമാനത്താവളങ്ങളിലെല്ലാം എയര്പോര്ട്ട് ഹെല്ത്ത് ഓര്ഗനൈസേഷന് യൂണിറ്റ് പ്രവര്ത്തിക്കുന്നുണ്ട്. വിമാനത്താവളം ആരംഭിച്ച് മൂന്നുവര്ഷമായിട്ടും കണ്ണൂരില് ഇതുവരേയും ആരംഭിച്ചിട്ടില്ല.
ആറു പതിറ്റാണ്ടിലധികമായി ഇന്ത്യയിലെ വിമാനത്താവളങ്ങളിലും തുറമുഖങ്ങളിലും പ്രവര്ത്തിക്കുന്ന ഹെല്ത്ത് ഓര്ഗനൈസേഷന് യൂണിറ്റ് മഞ്ഞപ്പനി, എബോള, പന്നിപ്പനി, സാര്സ് തുടങ്ങിയഅപകടകരമായ രോഗങ്ങള് കാരണം ഉണ്ടായേക്കാവുന്ന അപകടസാധ്യതകള് ലഘൂകരിക്കുന്നതില് പ്രധാന പങ്ക് വഹിച്ചിട്ടുണ്ട്.
കോവിഡ് സാഹചര്യത്തില് കണ്ണൂര് വിമാനത്താവളത്തില് എയര്പോര്ട്ട് ഹെല്ത്ത് ഓര്ഗനൈസേഷന് യൂണിറ്റ് അടിയന്തരമായി ആരംഭിക്കണമെന്ന് കേന്ദ്ര ആരോഗ്യമന്ത്രിക്കും ആരോഗ്യ വകുപ്പ് ഡയറക്ടര് ജനറലിനും നല്കിയ കത്തില് എംപി ആവശ്യപ്പെട്ടു.