പേരാവൂർ: അഗതി മന്ദിരങ്ങളിലെ അന്തേവാസികളുടെ ക്ഷേമപെൻഷൻ റദ്ദ് ചെയ്തുകൊണ്ടുള്ള സർക്കാർ ഉത്തരവ് വേദനാജനകമാണെന്ന് എകെസിസി പേരാവൂർ ഫൊറോനാ കമ്മിറ്റി അഭിപ്രായപ്പെട്ടു. പുതിയ ഉത്തരവ് ഇത്തരം സ്ഥാപനങ്ങളെല്ലാം അടച്ചുപൂട്ടേണ്ട സ്ഥിതിയിലേക്ക് കാര്യങ്ങൾ എത്തിക്കുമെന്നും സർക്കാർ അടിയന്തരമായി ഈ ഉത്തരവ് തിരുത്താൻ തയാറാകണമെന്നും എകെസിസി ് ആവശ്യപ്പെട്ടു. യോഗത്തിൽ എകെസിസി മേഖലാ ഡയറക്‌ടർ ഫാ.സണ്ണി അമ്പാട്ട് അധ്യക്ഷത വഹിച്ചു.ഫൊറോനാ പ്രസിഡന്‍റ് ജോർജ് കാനാട്ട് മുഖ്യപ്രഭാഷണം നടത്തി. ജോയി മാടശേരി, ബ്രിട്ടോ ജോസ് എന്നിവർ പ്രസംഗിച്ചു.
ക്ഷേമപെൻഷൻ റദ്ദ് ചെയ്തത് വേദനാജനകം: എകെസിസി
