കണ്ണൂർ: ഹയർ സെക്കൻഡറി പരീക്ഷയിൽ കണ്ണൂർ ജില്ലയിൽ 90.14 വിജയശതമാനം. 156 സ്കൂളുകളിൽനിന്ന് 30, 013 പേരാണ് ഈ വർഷം പരീക്ഷയെഴുതിയത്. ഇതിൽ 27, 053 പേർ ഉന്നത വിദ്യാഭ്യാസത്തിന് യോഗ്യത നേടി. 4, 053 പേർക്ക് മുഴുവൻ വിഷയങ്ങളിലും എ പ്ലസ് ലഭിച്ചു.
ഓപ്പൺ സ്കൂളിൽ 2265 പേർ പരീക്ഷയെഴുതിയതിൽ 1341 പേർ ഉന്നത വിദ്യാഭ്യാസത്തിന് യോഗ്യത നേടി. 59.21 ആണ് വിജയ ശതമാനം. 16 പേർക്കാണ് മുഴുവൻ വിഷയങ്ങളിലും എ പ്ലസ് ലഭിച്ചത്.
ജില്ലയിൽ നാല് സ്കൂളുകളാണ് നൂറുമേനി കരസ്ഥമാക്കിയത്. പേരാവൂർ സെന്റ് ജോസഫ് എച്ച്എസ്എസ്, പരിയാരം കാരക്കുണ്ട് ഡോൺബോസ്കോ സ്പീച്ച് ആൻഡ് ഹിയറിംഗ് എച്ച്എസ്എസ്, വളപട്ടണം മുസ്ലിം വെൽഫെയർ അസോസിയേഷൻ എച്ച്എസ്എസ്, പഴയങ്ങാടി വാദിഹുദ എച്ച്എസ്എസ്. ഇതിൽ പേരാവൂർ സെന്റ് ജോസഫ്സ് എച്ച്എസ്എസിലാണ് കൂടുതൽ വിദ്യാർഥികൾ പരീക്ഷയെഴുതിയത്. ഇവിടെ പരീക്ഷയെഴുതിയ 118 പേരും ഉന്നത വിദ്യാഭ്യാസത്തിന് അർഹത നേടി.
വിഎച്ച്എസ്ഇയിൽ 948 പേർ പരീക്ഷയെഴുതിയതിൽ 687 പേർ ഉന്നതവിദ്യാഭ്യാസത്തിന് യോഗ്യത നേടി. 72.47 ആണ് വിജയശതമാനം. കെകെഎൻപിഎം ഗവ.വിഎച്ച്എസ്എസ്, ഗവ. വിഎച്ച്എസ്എസ് പുളിങ്ങോം എന്നിവയാണ് ഏറ്റവും കൂടുതൽ വിജയം നേടിയ സ്കൂളുകൾ. കെകെഎൻ പിഎം ഗവ. വിഎച്ച്എസ്എസിൽ 65 പേർ പരീക്ഷയെഴുതിയതിൽ 60 പേർ ഉന്നതവിദ്യാഭ്യാസത്തിന് യോഗ്യത നേടി. 92.31 വിജയശതമാനം. ഗവ. വിഎച്ച്എസ്എസ് പുളിങ്ങോത്ത് 56 പേർ പരീക്ഷയെഴുതിയതിൽ 52 പേർ വിജയിച്ചു. 92.86 ആണ് വിജയശതമാനം. ജിആർഎഫ്ടി വിഎച്ച്എസ് എസ് അഴീക്കലാണ് വിജയതമാനത്തിൽ പിന്നിൽ. ഇവിടെ 37 പേർ പരീക്ഷയെഴുതിയതിൽ പത്തുപേർ മാത്രമാണ് വിജയിച്ചത്. 27.03 ആണ് വിജയശതമാനം.
previous post