ഇരിട്ടി: ഓണത്തിന് ഒരു മുറം പച്ചക്കറി പദ്ധതിയുടെ ഭാഗമായി ഇരിട്ടി ഹയർ സെക്കണ്ടറി സ്ക്കുൾ എൻ എസ് എസ് യൂണിറ്റും കാർഷിക വികസന- കാർഷിക ക്ഷേമ വകുപ്പും സംയുക്തമായി പച്ചക്കറിവിത്തു വിതരണം നടന്നു. ഇരിട്ടി ഹൈസ്കൂളിൽ നടന്ന വിത്ത് വിതരണത്തിന്റേയും സൗഹൃദ ഭവന സന്ദർശന യാത്രയുടേയും ഉദ്ഘാടനം സണ്ണി ജോസഫ് എം എൽ എ നിർവഹിച്ചു.
നഗരസഭ വൈസ് ചെയർമാൻ പി.പി.ഉസ്മാൻ അധ്യക്ഷത വഹിച്ചു. പ്രിൻസിപ്പാൾ കെ.ഇ. ശ്രീജ, എൻ എസ് എസ് ജില്ലാ കോ-ഓർഡിനേറ്റർ ശ്രീധരൻ കൈതപ്രം , നഗരസഭ കൗൺസിലർമാരായ പി.പി. ജയലക്ഷ്മി, കെ.നന്ദനൻ, കൃഷി ഓഫിസർ എം ഹനീഷ്, പി ടി എ പ്രസിഡണ്ട് സന്തോഷ് കോയിറ്റി, എൻ എസ് എസ് പ്രോഗ്രാം ഓഫിസർ ഇ.പി. അനീഷ് കുമാർ, സ്റ്റാഫ് സെക്രട്ടറി കെ.ബെൻസി രാജ് എന്നിവർ സംസാരിച്ചു. തുടർന്ന് എൻ എസ് എസ് വളണ്ടിയർമാരുടെ നേതൃത്വത്തിൽ സൗഹൃദ ഭവന സന്ദർശനവും നടന്നു.