തലശേരി : ക്രൈസ്തവ യുവതയുടെ സ്വപ്നങ്ങൾക്ക് കരുത്ത് പകരുക എന്ന ലക്ഷ്യത്തോടെ കെസിവൈഎം തലശേരി അതിരൂപതയുടെ നേതൃത്വത്തിൽ പതിനാറ് ഫൊറോനകളിൽ നടന്നുവന്ന ബോൾഡ് യുവർ ഡ്രീംസ് (ബിയുഡി) പരിപാടിക്ക് സമാപനമായി. നെല്ലിക്കാംപോയിൽ ഫൊറോനയിൽ നടന്ന അതിരൂപത സമാപനം സജീവ് ജോസഫ് എംഎൽഎ ഉദ്ഘാടനം ചെയ്തു. മതേതര മൂല്യങ്ങൾ സമൂഹത്തിലേക്ക് പകരുന്നതിൽ കെസിവൈഎം പ്രവർത്തകർ വഹിക്കുന്ന പങ്ക് മാതൃകപരമെന്ന് സജീവ് ജോസഫ് എംഎൽഎ പറഞ്ഞു. സമാപന സമ്മേളനത്തിൽ തലശേരി അതിരൂപത സഹായമെത്രാൻ മാർ ജോസഫ് പാംപ്ലാനി മുഖ്യപ്രഭാഷണം നടത്തി. കെസിവൈഎം തലശേരി അതിരൂപത പ്രസിഡന്‍റ് വിപിൻ ജോസഫ് മാറുകാട്ടുകുന്നേൽ അധ്യക്ഷത വഹിച്ചു.
സണ്ണി ജോസഫ് എംഎൽഎ, കെസിവൈഎം സംസ്ഥാന പ്രസിഡന്‍റ് എഡ്വേർഡ് രാജു എന്നിവർ മുഖ്യാതിഥികളായിരുന്നു. ഫാ. ജോസഫ് കാവനാടി, ഫാ. ജിൻസ് വാളിപ്ലാക്കൽ, അമൽ കെ.ജോയി കൊന്നയ്ക്കൽ , അഖിൽ ചാലിൽപുത്തൻപുരയിൽ, ഫാ. അലക്സ് നിരപ്പേൽ എന്നിവർ പ്രസംഗിച്ചു. പതിനാറ് ഫൊറോനകളിലായി മൂന്നുമാസം കൊണ്ട് പൂർത്തിയായ ബഡ് യോഗങ്ങൾക്ക് സംസ്ഥാന ട്രഷറർ എബിൻ കുമ്പുക്കൽ, വൈസ് പ്രസിഡന്‍റ് നീന പറപ്പള്ളി, ഡെപ്യൂട്ടി പ്രസിഡന്‍റ് ടോണി ജോസഫ്, സെക്രട്ടറി സനീഷ് പാറയിൽ, ട്രഷറർ ജിൻസ് മാമ്പുഴക്കൽ, ജോയിന്‍റ് സെക്രട്ടറി ഐശ്വര്യ കുറുമുട്ടം, അനിമേറ്റർ സിസ്റ്റർ പ്രീതി മരിയ, സംസ്ഥാന സിൻഡിക്കറ്റ് അംഗം ചിഞ്ചു വട്ടപ്പാറ എന്നിവർ നേതൃത്വം നൽകി
മതേതര മൂല്യങ്ങൾ പകരുന്നതിൽ കെസിവൈഎം മാതൃക: സജീവ് ജോസഫ്
