കണ്ണൂര്‍: വാളയാര്‍ മുതല്‍ വണ്ടിപ്പെരിയാര്‍ വരെ പിഞ്ചുമക്കളെ പീഡിപ്പിച്ചു കൊല്ലുന്ന കണ്ണില്ലാത്ത ക്രൂരതയ്ക്കും സിപിഎം, ഡിവൈഎഫ്‌ഐ അധോലോക മാഫിയയ്ക്കുമെതിരെ യൂത്ത് കോണ്‍ഗ്രസ് ജില്ലാ കമ്മിറ്റിയുടെ നേതൃത്വത്തില്‍ ഗാന്ധി സ്‌ക്വയറില്‍ പകല്‍പ്പന്തവുമായി പ്രതിഷേധസമരം നടത്തി. സംസ്ഥാന വൈസ് പ്രസിഡന്‍റ് റിജില്‍ മാക്കുറ്റി ഉദ്ഘാടനം ചെയ്തു. വണ്ടിപ്പെരിയാറില്‍ മൂന്ന് മുതല്‍ ആറ് വയസുവരെ കുട്ടിയെ പീഡിപ്പിച്ച സംഭവമുണ്ടായിട്ട് പോലും സര്‍ക്കാര്‍ നടപടിയുമായി മുന്നോട്ട് വരാത്തത്
ഇരകള്‍ക്കൊപ്പമല്ല തങ്ങളെന്ന് ഒരിക്കല്‍ കൂടി വ്യക്തമായിരിക്കുകയാണെന്ന് റിജിൽ മാക്കുറ്റി പറഞ്ഞു. ജില്ലാ പ്രസിഡന്‍റ് സുദീപ് ജയിംസ് അധ്യക്ഷത വഹിച്ചു. സംസ്ഥാന ഭാരവാഹികളായ സന്ദീപ് പാണപ്പുഴ, റോബര്‍ട്ട് വെള്ളാംവെള്ളി, റിജിന്‍രാജ്, വിജിത്ത് മുല്ലോളി, ജില്ലാ ഭാരവാഹികളായ വി.രാഹുല്‍, പ്രിനില്‍ മതുക്കോത്ത്, ശ്രീജേഷ് കൊയിലേരിയന്‍, പി. ഇമ്രാന്‍, എം.കെ.വരുണ്‍, നികേത് നാറാത്ത്, അക്ഷയ് കോവിലകം, നൗഫല്‍ വാരം, ജിതേഷ് മണല്‍, സി.വി.സുമിത്ത്, സി.വി.വരുണ്‍ തുടങ്ങിയവര്‍ നേതൃത്വം നല്‍കി.