വൈദ്യുതി ബില് കുടിശിക അടച്ചില്ലെങ്കില് കണക്ഷന് വിച്ഛേദിക്കാനുള്ള ഒരു തീരുമാനവും സര്ക്കാര്തലത്തില് എടുത്തിട്ടില്ലെന്ന് വൈദ്യുതി മന്ത്രി കെ. കൃഷ്ണൻകുട്ടി അറിയിച്ചു. കുടിശിക അടച്ചില്ലെങ്കിൽ കണക്ഷൻ വിച്ഛേദിക്കും എന്ന രീതിയിലുള്ള വാര്ത്ത വസ്തുതാവിരുദ്ധമാണ്.
മുഖ്യമന്ത്രിയുടെ മേയ് അഞ്ചിലെ പത്രസമ്മേളനത്തില് കെഎസ്ഇബിയുടെ കുടിശിക പിരിവ് രണ്ടുമാസത്തേക്ക് നിര്ത്തിവയ്ക്കും എന്ന് അറിയിച്ചിരുന്നു. ഇതാണ് നിലവിലെ സ്ഥിതി.
കുടിശികയുടെ വിശദാംശങ്ങള് പരിശോധിച്ച ശേഷമേ നിലവില് വൈദ്യുതി വിച്ഛേദിക്കണ്ട എന്നുള്ള കാര്യത്തില് മാറ്റം വരുത്തുന്നതില് സര്ക്കാര് തീരുമാനം കൈക്കൊള്ളുകയുള്ളു. അതുവരെ നിലവിലുള്ള സ്ഥിതി തുടരാനാണ് തീരുമാനമെന്നും മന്ത്രി വ്യക്തമാക്കി.