മാ​ലി​ന്യ​ത്തി​ൽ ഒ​രു കോ​ടി​യു​ടെ സ്വ​ർ​ണം; ക​ണ്ണൂ​ർ വി​മാ​ന​ത്താ​വ​ള​ത്തി​ൽ വ​ൻ സ്വ​ർ​ണ​വേ​ട്ട

ക​ണ്ണൂ​ർ വി​മാ​ന​ത്താ​വ​ള​ത്തി​ൽ​നി​ന്നും ഒ​രു കോ​ടി രൂ​പ‍​യു​ടെ സ്വ​ർ​ണം പി​ടി​കൂ​ടി. മാ​ലി​ന്യ​ത്തി​ൽ ഒ​ളി​പ്പി​ച്ച നി​ല​യി​ലാ​യി​രു​ന്നു സ്വ​ർ​ണം. ഒ​രു കോ​ടി രൂ​പ വി​ല​വ​രു​ന്ന സ്വ​ർ​ണ​മാ​ണ് ക​ണ്ടെ​ത്തി​യ​ത്. ക​രി​പ്പൂ​ർ കേ​സ് അ​ന്വേ​ഷി​ക്കു​ന്ന സം​ഘ​ത്തി​നാ​ണ് സ്വ​ർ​ണം എ​ത്തു​ന്ന വി​വ​രം ല​ഭി​ച്ച​ത്.

ര​ണ്ടു കി​ലോ​യോ​ളം സ്വ​ർ​ണ​മാ​ണ് പി​ടി​കൂ​ടി​യ​ത്. പു​ല​ർ​ച്ചെ ഒ​ന്നോ​ടെ അ​ബു​ദാ​ബി​യി​ൽ​നി​ന്ന് ക​ണ്ണൂ​രി​ലെ​ത്തി​യ എ​യ​ർ ഇ​ന്ത്യ എ​ക്സ്പ്ര​സ് വി​മാ​ന​ത്തി​ലെ മാ​ലി​ന്യ​ങ്ങ​ൾ നീ​ക്കി​യ​പ്പോ​ഴാ​ണ് സ്വ​ർ​ണം ക​ണ്ടെ​ത്തി​യ​ത്.

കോ​വി​ഡ് കാ​ര​ണം അ​ബു​ദാ​ബി​യി​ൽ​നി​ന്ന് ക​ണ്ണൂ​ർ-​കൊ​ച്ചി സ്പെ​ഷ​ലാ​യി സ​ർ​വീ​സ് ന​ട​ത്തി​യ​താ​യി​രു​ന്നു വി​മാ​നം. ക​ണ്ണൂ​രി​ൽ 33 യാ​ത്ര​ക്കാ​ർ ഇ​റ​ങ്ങി​യ​ശേ​ഷം വി​മാ​ന​ത്തി​ലെ ശു​ചി​മു​റി​യി​ലേ​ത​ട​ക്ക​മു​ള്ള മാ​ലി​ന്യ​ങ്ങ​ൾ നീ​ക്കം ചെ​യ്ത് ട്രോ​ളി​യി​ലേ​ക്ക് മാ​റ്റി​യ​പ്പോ​ഴാ​ണ് സ്വ​ർ​ണം ക​ണ്ടെ​ത്തി​യ​ത്.

ടോ​യ്‌​ല​റ്റ് മാ​ലി​ന്യ​ത്തി​ൽ​നി​ന്ന് 2126 ഗ്രാം ​വ​രു​ന്ന പേ​സ്റ്റ് രൂ​പ​ത്തി​ലു​ള്ള സ്വ​ർ​ണം ക​ണ്ടെ​ത്തി​യെ​ങ്കി​ലും വേ​ർ​തി​രി​ച്ചെ​ടു​ത്ത​പ്പോ​ൾ 1887 ഗ്രാം ​സ്വ​ർ​ണ​മാ​ണ് ല​ഭി​ച്ച​ത്. ര​ണ്ടു പ്ലാ​സ്റ്റി​ക് ക​വ​റി​ലാ​യി​രു​ന്നു സ്വ​ർ​ണ​മു​ണ്ടാ​യി​രു​ന്ന​ത്. സ്വ​ർ​ണം കൊ​ണ്ടു​വ​ന്ന യാ​ത്ര​ക്കാ​ര​നെ തി​രി​ച്ച​റി​ഞ്ഞി​ട്ടി​ല്ല. പി​ടി​കൂ​ടി​യ സ്വ​ർ​ണ​ത്തി​ന് 99,85905 രൂ​പ വി​ല​വ​രും.

ക​ട​ത്തി​ക്കൊ​ണ്ടു​വ​ന്ന സ്വ​ർ​ണം പി​ടി​കൂ​ടു​ന്ന​തി​നു​മു​മ്പ് ഉ​പേ​ക്ഷി​ച്ച​താ​കാ​മെ​ന്നാ​ണ് ക​രു​തു​ന്ന​ത്. മു​മ്പും ക​ണ്ണൂ​ർ വി​മാ​ന​ത്താ​വ​ള​ത്തി​ൽ വി​മാ​ന​ത്തി​ൽ ഉ​പേ​ക്ഷി​ച്ച​നി​ല​യി​ൽ സ്വ​ർ​ണം ക​ണ്ടെ​ടു​ത്തി​രു​ന്നു. അ​ഞ്ചാം ത​വ​ണ​യാ​ണ് ഉ​പേ​ക്ഷി​ച്ച​നി​ല​യി​ൽ സ്വ​ർ​ണം ക​ണ്ടെ​ത്തു​ന്ന​ത്.