തളിപ്പറമ്പ് നഗരസഭയുടെ നേതൃത്വത്തില്‍ വീടുകളില്‍ ചെന്നുള്ള വാക്‌സിനേഷന്‍ ആരംഭിച്ചു. നഗരസഭാ ചെയര്‍പേഴ്‌സണ്‍ മുര്‍ഷിദ കൊങ്ങായി വാക്‌സിനേഷന്‍റെ മുനിസിപ്പല്‍ തല പദ്ധതി ഉദ്ഘാടനം ചെയ്തു. കിടപ്പു രോഗികള്‍ക്കും യാത്ര ചെയ്യാന്‍ ബുദ്ധിമുട്ടനുഭവിക്കുന്ന ഭിന്നശേഷിക്കാര്‍ക്കും 70 കഴിഞ്ഞ വയോധികര്‍ക്കുമാണ് തളിപ്പറമ്പ് നഗരസഭയുടെ നേതൃത്വത്തില്‍ വീടുകളില്‍ ചെന്ന് വാക്‌സിനേഷന്‍ നടത്തുന്നത്.
കൗണ്‍സിലര്‍മാരുടെയും ആശാ വര്‍ക്കര്‍മാരുടെയും പാലിയേറ്റീവ് പ്രവര്‍ത്തകരുടേയും സഹായത്തോടെയാണ് ഗുണഭോക്താക്കളെ തെരഞ്ഞെടുക്കുന്നത്. മൂന്നു ദിവസങ്ങളിലായാണ് വീടുകളില്‍ ചെന്നുള്ള വാക്‌സിനേഷന്‍ നല്‍കുക. ചടങ്ങില്‍ നഗരസഭാ വൈസ് ചെയര്‍മാന്‍ കല്ലിങ്കീല്‍ പദ്മനാഭന്‍ അധ്യക്ഷത വഹിച്ചു.
വീടുകളില്‍ വാക്സിനേഷനുമായി തളിപ്പറമ്പ് നഗരസഭ
