കോളയാട് യൂത്ത് കോൺഗ്രസ് നേതാവ് ജില്ലാ സോഷ്യൽ മീഡിയ കോ – ഓർഡിനേറ്റർ മെബിൻ പീറ്ററെ കാർ തകർത്ത് അക്രമിച്ചു

യൂത്ത് കോൺഗ്രസ് ജില്ലാ സോഷ്യൽ മീഡിയ കോ ഓർഡിനേറ്റർ കോളയാട് പള്ളിപ്പാലത്തെ കവുങ്ങാടിയിൽ മെബിൻ പീറ്ററെ ( 24 ) കണ്ണിൽ മുളക് പൊടിയെറിഞ്ഞ ശേഷം അക്രമിച്ച് പരിക്കേല്പിച്ചു . പുത്തലത്ത് വിവാഹവീട്ടിൽ പോയി തിരിച്ചു വീട്ടിലേക്ക് പോവുന്നതിനിടെ മെബിൻറെ കാർ തടഞ്ഞ അക്രമി സംഘം കാർ തകർത്തശേഷം മർദ്ദിക്കുകയായിരുന്നു.ഞായറാഴ്ച രാത്രി 9.30 ഓടെയാണ് സംഭവം തലക്കും വയറിനും പരിക്കേറ്റ മെബിനെ തലശ്ശേരിയിലെ സഹകരണാസ്പത്രിയിൽ പ്രവേശിപ്പിച്ചു . സംഭവത്തിന് പിന്നിൽ ഡി വൈ എഫ് ഐ ആണെന്ന് യൂത്ത് കോൺഗ്രസ് ആരോപിച്ചു . പേരാവൂർ പോലിസ് കേസെടുത്ത് അന്വേഷണമാരംഭിച്ചു