കോവിഡ് നിർമാർജന യജ്ഞത്തിന്റെ ഭാഗമായി കെ.സി.വൈ.എം ചുങ്കക്കുന്ന് മേഖലയുടെയും, അമ്പായത്തോട് യൂണിറ്റിന്റെയും സംയുക്ത ആഭിമുഖ്യത്തിൽ പാൽച്ചുരം, അമ്പായത്തോട് എന്നീ പ്രദേശങ്ങളിലെ ആദിവാസി കോളനികളും, കോവിഡാനന്തര വീടുകളും അണുവിമുക്തമാക്കി. കെ.സി.വൈ.എം ചുങ്കക്കുന്ന് മേഖല പ്രസിഡന്റ് ഡെറിൻ കൊട്ടാരത്തിൽ, ട്രഷറർ ബിനീഷ് മഠത്തിൽ, കോ ഓഡിനേറ്റർ സോനു തടത്തിൽ ജോഷൽ ഈന്തുങ്കൽ, അമ്പായത്തോട് യൂണിറ്റ് പ്രസിഡന്റ് മെൽബിൻ കല്ലടയിൽ എന്നിവരുടെ നേതൃത്വത്തിൽ, കൊട്ടിയൂർ ഗ്രാമപഞ്ചായത്ത് മെമ്പർമാരായ ബാബു കാരിവേലിയിൽ, ഷാജി പൊട്ടയിൽ, ഷേർലി പടിയാനിക്കൽ എന്നിവരുടെ സാന്നിധ്യത്തിലായിരുന്നു അണുനശീകരണ പ്രവർത്തനങ്ങൾ നടന്നത്.