കണ്ണൂര്: കോവിഡ് രോഗബാധ യുവാക്കളില് കൂടി വരുന്ന സാഹചര്യത്തില് ജീവിതശൈലി രോഗങ്ങളുടെ നിയന്ത്രണത്തിന് ഊന്നല് നല്കി യുവാക്കളില് അവബോധം സൃഷ്ടിക്കുന്നതിനായി “യംഗ് കണ്ണൂര്’ കാമ്പയിന് ജില്ലയില് ആരംഭിക്കും. കാമ്പയിനിന്റെ ഉദ്ഘാടനം ഇന്ന് രാവിലെ 11ന് നടന് ജയസൂര്യ ഓണ്ലൈനായി നിര്വഹിക്കും. യുവാക്കളില് ചിട്ടയായ ജീവിതശീലം വളര്ത്തിയെടുക്കുക, വ്യായാമം ദിനചര്യയാക്കി മാറ്റിയെടുക്കുക, ലഹരി പദാര്ഥങ്ങളുടെ ഉപയോഗം ഇല്ലാതാക്കുക തുടങ്ങിയ പ്രവര്ത്തനങ്ങളിലൂടെ ആരോഗ്യം വീണ്ടെടുത്ത് കോവിഡിനെ പ്രതിരോധിക്കാനാണ് “യംഗ് കണ്ണൂര്’ ലക്ഷ്യമിടുന്നത്.”കോവിഡും ജീവിത ശൈലി രോഗങ്ങളും’ എന്ന വിഷയത്തില് കണ്ണൂര് മെഡിക്കല് കോളജ് മെഡിസിന് വിഭാഗം അസോ. പ്രഫ. ഡോ. കെ. രമേശന്, “ഹോം ഐസൊലെഷന്- ശ്രദ്ധിക്കേണ്ട കാര്യങ്ങള്’ എന്ന വിഷയത്തില് ജില്ലാ കോവിഡ് നോഡല് ഓഫീസര് ഡോ. വസു ആനന്ദ് എന്നിവര് ക്ലാസ് നയിക്കും. തുടര്ന്നുള്ള ദിവസങ്ങളില് കോവിഡ്-ന്യൂമോണിയ, വ്യായാമം – ഒരു ദിനചര്യ എന്നീ വിഷയങ്ങളില് ഫേസ്ബുക്ക് ലൈവും ഉണ്ടായിരിക്കും.