കണ്ണൂര്‍: കോവിഡ് പ്രതിരോധ പ്രവര്‍ത്തനങ്ങളില്‍ ഏർപ്പെട്ട പോലീസ് സേനയ്ക്ക് ജില്ലാ പഞ്ചായത്ത് കുടിവെള്ളം, മാസ്‌ക്, സാനിറ്റൈസര്‍, ഗ്ലൗസ് എന്നിവ കൈമാറി. 1500 മാസ്‌കും ഗ്ലൗസും കെ.സുധാകരന്‍ എംപിയാണ് ജില്ലാ പഞ്ചായത്തിന് കൈമാറിയത്. ചടങ്ങില്‍ ജില്ലാ പഞ്ചായത്ത് പ്രസിഡന്‍റ് പി.പി. ദിവ്യ എസിപി പി. ബാലകൃഷ്ണന് കൈമാറി. വൈസ് പ്രസിഡന്‍റ് ബിനോയ് കുര്യന്‍, സ്റ്റാൻഡിംഗ് കമ്മിറ്റി ചെയര്‍മാന്‍മാരായ വി.കെ.സുരേഷ് ബാബു, ടി. സരള, കെ.കെ. രത്‌നകുമാരി, യു.പി. ശോഭ, മെംബര്‍മാരായ സി.പി. ഷിജു, എന്‍.പി.ശ്രീധരന്‍, സെക്രട്ടറി വി. ചന്ദ്രന്‍, ഒ.കെ.വിനീഷ്, രഘു തുടങ്ങിയവര്‍ പങ്കെടുത്തു. കണ്ണൂര്‍ ജില്ലാ പഞ്ചായത്ത് ഹെല്‍പ് ഡെസ്‌കിലേക്ക് കോര്‍പറേഷന്‍ സിഡിഎസ് 15 പള്‍സ് ഓക്‌സിമീറ്റര്‍ കൈമാറി. സിഡിഎസ് ചെയര്‍പേഴ്‌സണ്‍ ഷീഷ്മ, സിഡിഎസ് സാമൂഹിക ഉപസമിതി കണ്‍വീനര്‍ ഷര്‍മ്മിള തുടങ്ങിയവര്‍ പങ്കെടുത്തു.
പോലീസുകാർക്ക് കോവിഡ് പ്രതിരോധ സാമഗ്രികൾ കൈമാറി
