തലശേരി: ലോക്ക് ഡൗൺ ലംഘിച്ച് ബൈക്കുമായി ചുറ്റിക്കറങ്ങാനെത്തിയ പതിനാലുകാരനായ വിദ്യാർഥിയെ പോലീസ് പിടികൂടി. ഇന്നലെ രാവിലെ തലശേരി ടൗണിലായിരുന്നു സംഭവം. സംഭവത്തിൽ ബൈക്കിന്റെ ആർസി ഉടമയായ അമ്മയ്ക്കെതിരേ പോലീസ് കേസെടുത്തു. 30000 രൂപയും തടവും ലഭിക്കാവുന്ന കുറ്റമാണ് പോലീസ് ചുമത്തിയത്.
ചിറക്കരയിലാണ് വിദ്യാർഥിയുടെ വീട്.നിരവധി തവണ ടൗണിൽ ചുറ്റിക്കറങ്ങുന്നത് പോലീസിന്റെ ശ്രദ്ധയിൽപ്പെട്ടതിനെ തുടർന്ന് എസ്ഐഎ അഷ്റഫിന്റെ നേതൃത്വത്തിൽ പരിശോധിക്കുകയായിരുന്നു. ബൈക്ക് പോലീസ് കസ്റ്റഡിയിലെടുത്തു.