തിരുവനന്തപുരം: സംസ്ഥാനത്ത് ലോക്ക്ഡൗണ്‍ നിലവില്‍വന്ന സാഹചര്യത്തില്‍ യാത്രാപാസിന് നിബന്ധനകളായി. പാസിന് അപേക്ഷിക്കാനുള്ള ഓണ്‍ലൈന്‍ സംവിധാനം ശനിയാഴ്ച വൈകിട്ടോടെ നിലവില്‍ വന്നു. അത്യാവശ്യ യാത്രക്കാർക്കായാണ് യാത്ര പാസ് ഒരുക്കുന്നത്. ഇതിലൂടെ അനാവശ്യ യാത്രകൾ ഒഴിവാക്കാനാവുമെന്നാണ് സർക്കാരിന്റെ പ്രതീക്ഷ.
കേരള പോലീസിന്‍റെ വെബ്സൈറ്റിലാണ് പാസ് ലഭിക്കാനുള്ള സൗകര്യം ഒരുക്കിയിരിക്കുന്നത്. പേര്, സ്ഥലം, യാത്രയുടെ ഉദ്ദേശം എന്നിവ ഓണ്‍ലൈനില്‍ പാസിനായി അപേക്ഷിക്കുമ്പോൾ രേഖപ്പെടുത്തണം. മരണം, ആശുപത്രി, അടുത്ത ബന്ധുവിന്റെ വിവാഹം പോലെ ഒഴിവാക്കാനാവാത്ത അവശ്യത്തിന് മാത്രമാണ് പാസ് അനുവദിക്കുന്നത് .ദിവസ വേതനക്കാര്‍ക്ക് ജോലിക്ക് പോകാന്‍ പാസ് അനുവദിക്കും. രോഗികളുടെ കൂട്ടിരിപ്പുകാര്‍ ആശുപത്രി രേഖകള്‍ കൈയില്‍ കരുതണം.
https://pass.bsafe.kerala.gov.in/
അനുമതി ലഭിക്കുന്ന മുറയ്ക്ക് അപേക്ഷകന്‍റെ മൊബൈല്‍ ഫോണിലേക്ക് ഒടിപി വരികയും അനുമതിപത്രം ഫോണിൽ ലഭിക്കുകയും ചെയ്യും.
യാത്രാപാസ്സ് ഓൺലൈൻ സംവിധാനം നിലവിൽ വന്നു…..
