കോവിഡ് രൂക്ഷമായിരിക്കുന്ന സാഹചര്യത്തിൽ വീടിനകത്ത് രോഗപ്പകർച്ചയ്ക്ക് സാധ്യത കൂടുതലാണെന്ന് മുഖ്യമന്ത്രി പിണറായി വിജയൻ. വീട്ടിനുള്ളിൽ പൊതു ഇടങ്ങൾ കുറയ്ക്കണം. ഭക്ഷണം കഴിക്കൽ, പ്രാർഥന, ടിവി കാണുന്നത് എന്നിവ കൂട്ടത്തോടെ ചെയ്യുന്നത് ഒഴിവാക്കണമെന്നും മുഖ്യമന്ത്രി പറഞ്ഞു.
ചിലപ്പോഴോക്കെ അയൽക്കാരുമായി ബന്ധപ്പെടേണ്ടിവരും. ഇത്തരം സന്ദർഭങ്ങളിൽ ഡബിൾ മാസ്ക് ഉപയോഗിക്കണം. അയൽ വീടുകളിൽനിന്നും സാധനങ്ങൾ വാങ്ങുന്പോൾ സോപ്പിട്ട് കൈ കഴുകണം. വീട്ടിൽ ഭക്ഷണം കഴിക്കുന്ന പാത്രങ്ങൾ സോപ്പിട്ട് കഴുകണം.
വീടിനു പുറത്തുപോകുന്നവർ കുട്ടികളുമായി അടുത്തിടപഴകുന്നത് ഒഴിവാക്കണമെന്നും മുഖ്യമന്ത്രി കൂട്ടിച്ചേത്തു.