തെരഞ്ഞെടുപ്പ് ഡ്യൂട്ടിയിലുള്ള ഉദ്യോഗസ്ഥർ, വോട്ടെണ്ണൽ കേന്ദ്രത്തിൽ എത്തുന്ന സ്ഥാനാർഥികൾ, കൗണ്ടിംഗ് ഏജന്‍റുമാർ, മാധ്യമപ്രവർത്തകർ എന്നിവർക്ക് കോവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കി തെരഞ്ഞെടുപ്പു കമ്മീഷൻ.
സർട്ടിഫിക്കറ്റുമായി എത്തുന്നവർക്കു മാത്രമേ വോട്ടെണ്ണൽ കേന്ദ്രത്തിലേക്ക് പ്രവേശനം ഉണ്ടായിരിക്കുകയുള്ളൂ. ആർടിപിസിആർ അല്ലെങ്കിൽ ആന്‍റിജൻ പരിശോധനയ്ക്കു ശേഷമുള്ള നെഗറ്റീവ് സർട്ടിഫിക്കറ്റോ രണ്ടു ഡോസ് വാക്സിനേഷൻ എടുത്തതിന്‍റെ സർട്ടിഫിക്കറ്റോ ആണ് ഹാജരാക്കേണ്ടത്.
വോട്ടെണ്ണൽ ദിനത്തിന് മൂന്നു ദിവസം മുൻപുള്ള ആർടിപിസിആർ പരിശോധനാ സർട്ടിഫിക്കറ്റോ മേയ് ഒന്നിലെ ആന്‍റിജൻ പരിശോധനയുടെ സർട്ടിഫിക്കറ്റോ മാത്രമേ സ്വീകരിക്കുകയുള്ളുവെന്നും തെരഞ്ഞെടുപ്പു കമ്മീഷൻ അറിയിച്ചു.