തിരുവനന്തപുരം: കോവിഡ് വ്യാപനം രൂക്ഷമായിക്കൊണ്ടിരിക്കുന്ന പശ്ചാത്തലത്തിൽ വിയ്യൂർ സെൻട്രൽ ജയിലിലും സ്ഥിതി ഗുരുതരമാകുന്നു. ജയിലിലെ 14 അന്തേവാസികൾക്കും ഒരു ഉദ്യോഗസ്ഥനും ഉൾപ്പെടെ 15 പേർക്ക് രോഗബാധ സ്ഥിരീകരിച്ചു. ഇവരെ പ്രത്യേക ബ്ലോക്കിലേക്ക് മാറ്റിയതായി അധികൃതർ അറിയിച്ചു.
അതേ സമയം കണ്ണൂർ സെൻട്രൽ ജയിലിലും കോവിഡ് വ്യാപനം ഗുരുതരമായി തുടരുകയാണ്. കഴിഞ്ഞ ഒരാഴ്ചയ്ക്കുള്ളിൽ 175ലധികം പേർക്കാണ് രോഗം സ്ഥിരീകരിച്ചത്. പരോൾ കഴിഞ്ഞെത്തിയ രണ്ടുപേർക്ക് ആദ്യം കോവിഡ് സ്ഥിരീകരിക്കുകയായിരുന്നു. നിലവിൽ രോഗം ബാധിച്ചവരെ പ്രത്യേക ബ്ലോക്കിലേക്ക് മാറ്റിയിട്ടുണ്ട്.
കോവിഡ് വ്യാപനം; വിയ്യൂർ സെൻട്രൽ ജയിലിലെ 15 പേർക്ക് കോവിഡ് സ്ഥിരീകരിച്ചു.
