കൂത്തുപറമ്പ്: കൂത്തുപറമ്പ് നഗരസഭയ്ക്ക് കേന്ദ്ര പാർപ്പിട നഗരകാര്യ മന്ത്രാലയത്തിന്റെ ഒഡിഎഫ് പ്ലസ് (ഓപ്പൺ ഡിഫിക്കേഷൻ ഫ്രീ )പദവി ലഭിച്ചു. ഈ പദവി ലഭിക്കുന്ന കേരളത്തിലെ ആറാമത്തെയും ജില്ലയിലെ രണ്ടാമത്തെയും നഗരസഭയാണ് കുത്തുപറമ്പ്.
പൊതുശുചിത്വം, പൊതു ശൗചാലയങ്ങളുടെ മികച്ച രീതിയിലുള്ള പരിപാലനം, ആവശ്യത്തിന് പൊതു ശൗചാലയങ്ങൾ ലഭ്യമാക്കൽ എന്നീ നേട്ടങ്ങൾ കൈവരിക്കുന്നത് പരിഗണിച്ചാണ് ഒഡിഎഫ് പ്ലസ് പദവി നൽകുന്നത്.
നഗരസഭയിലെ എല്ലാ വീടുകൾക്കും കക്കൂസ് നിർമിച്ചു നൽകി വെളിയിട വിമുക്ത നഗരസഭയായി കൂത്തുപറമ്പിനെ നേരത്തെ തെരഞ്ഞെടുത്തിരുന്നു.
നഗരത്തിലെ കംഫർട് സ്റ്റേഷൻ മികച്ചരീതിയിൽ പരിപാലിക്കപ്പെടുന്നതും പൊതുവായിട്ടുള്ള ശുചിത്വ പരിപാലനവും പരിശോധിക്കുന്നതിനായി നഗരസഭയിലെ വാർഡുകളിൽ കേന്ദ്ര പാർപ്പിട നഗരകാര്യ മന്ത്രാലയം പരിശോധന നടത്തിയിരുന്നു. വെളിയിട മലമൂത്ര വിസർജനം നടത്തുന്നവർക്കെതിരേ പിഴ ഉൾപ്പെടെയുള്ള നടപടികൾ സ്വീകരിക്കുമെന്ന് നഗരസഭാ സെക്രട്ടറി കെ.കെ. സജിത്ത് കുമാർ അറിയിച്ചു
previous post