കൊട്ടിയൂർ: വേനൽ മഴയിലും ചുഴലിക്കാറ്റിലും കൃഷിനാശം സംഭവിച്ച കർഷകരുടെ കൃഷിയിടങ്ങൾ പേരാവൂർ കൃഷി അസിസ്റ്റന്‍റ് ഡയറക്ടർ രാജശ്രീയുടെ നേതൃത്വത്തിൽ സന്ദർശിച്ച് നാശനഷ്ടങ്ങൾ വിലയിരുത്തി.
കൊട്ടിയൂർ കൃഷി ഓഫീസർ വിനോദ്, അസിസ്റ്റന്‍റ് കൃഷി ഓഫീസർ റെജി, കൃഷി അസിസ്റ്റന്‍റ് സന്തോഷ് എന്നിവരും ഒപ്പമുണ്ടായിരുന്നു. റബർ, വാഴ, തെങ്ങ്, കമുക്, കൊക്കോ, ജാതി എന്നീ വിളകളിൽ വ്യാപകമായി നഷ്ടമുണ്ടായതായി സംഘം വിലയിരുത്തി.
കർഷകർക്ക് എത്രയും പെട്ടെന്ന് തന്നെ ആനുകൂല്യം ലഭിക്കുന്നതിനുള്ള നടപടികൾ സ്വീകരിച്ചുവരുന്നതായും അറിയിച്ചു. നഷ്ടം സംഭവിച്ച കർഷകർ നികുതിച്ചീട്ട്, ബാങ്ക് പാസ്ബുക്ക്, ആധാർ കാർഡ് എന്നിവയുടെ പകർപ്പ് സഹിതം എത്രയും പെട്ടന്ന് കൃഷിഭവനിൽ അപേക്ഷ സമർപ്പിക്കണം.
ചുഴലിക്കാറ്റ്: നഷ്ടമുണ്ടായ കർഷകർ അപേക്ഷ നൽകണം
