കണ്ണൂർ: തെരഞ്ഞെടുപ്പ് ഡ്യൂട്ടിക്കായി സ്വകാര്യ ബസുകൾ മിക്കതും ഏറ്റെടുത്തതിനെ തുടർന്ന് പല റൂട്ടുകളിലും ബസുകളുടെ സർവീസ് കുറഞ്ഞു. ബസ് സർവീസുകളുടെ കുറവ് യാത്രക്കാരെ വലച്ചു.
ഇതിനിടെ സ്വന്തം വാഹനങ്ങളുള്ളവവർ തങ്ങളുടെ വാഹനങ്ങൾ കൂടുതലായി നിരത്തിലിറക്കിയതോടെ റോഡുകൾ വാഹനങ്ങളാൽ നിറഞ്ഞു. ഇതാകട്ടെ വലിയ തോതിലുള്ള ഗതാഗതകുരുക്കിനും ഇടയാക്കി.
പോളിംഗ് സാമഗ്രികളുടെ വിതരണം നടക്കുന്ന കേന്ദ്രങ്ങൾക്കു സമീപമായും വലിയ തിരക്കും ഗതാഗത കുരുക്കും സൃഷ്ടിച്ചു. പോളിംഗ് സാമഗ്രികളുടെ വിതരണ കേന്ദ്രമായ പള്ളിക്കുന്ന് കൃഷ്ണമേനോൻ വനിതാ കോളജിലേക്കും തിരിച്ചും തെരഞ്ഞെടുപ്പ ഡ്യൂട്ടിയുമായി ബന്ധപ്പെട്ട നിരവധി വാഹനങ്ങൾ കയറുകയും ഇറങ്ങുകയും ചെയ്തത് ദേശീയ പാതയിൽ വലിയ ഗതാഗതകുരുക്കിന് ഇടായാക്കി.
രാവിലെ വളപട്ടണം പാലം മുതൽ കുരുക്ക് അനുഭവപ്പെട്ടു.
ബസുകൾ തെരഞ്ഞെടുപ്പ് ഡ്യൂട്ടിക്ക് ; യാത്രക്കാർ വലഞ്ഞു
