തമിഴ്നാട് നിയമസഭാ തെരഞ്ഞെടുപ്പിന്റെ വോട്ടെടുപ്പ് പുരോഗമിക്കവെ നടൻ വിജയ് സൈക്കിളിൽ എത്തി വോട്ട് ചെയ്തു. ചെന്നൈ നീലങ്കരയിലുള്ള പോളിംഗ് ബൂത്തിലേക്കാണ് വിജയ് സൈക്കിൾ ചവിട്ടി എത്തിയത്.
ഇതിന്റെ ദൃശ്യങ്ങൾ സാമൂഹിക മാധ്യമങ്ങളിലൂടെ പുറത്ത് വന്നതിന് ശേഷം വൻ ജനശ്രദ്ധയാണ് ആകർഷിച്ചിരിക്കുന്നത്. ഇന്ധനവില വർധനയിൽ പ്രതിഷേധിച്ചാണ് താരം സൈക്കിൾ ചവിട്ടി എത്തിയതെന്നാണ് സോഷ്യൽ മീഡിയ പറയുന്നത്.
മാസ്കണിഞ്ഞ് സൈക്കിളിൽ വീട്ടിൽ നിന്നിറങ്ങിയ വിജയ്യുടെ പിന്നാലെ അദ്ദേഹത്തിന്റെ ആരാധകരും അനുഗമിച്ചിരുന്നു. ഇതോടെ പോലീസെത്തിയാണ് ജനക്കൂട്ടത്തെ നിയന്ത്രിച്ചത്.