ക​ണ്ണൂ​രി​ൽ മ​ന്ത്രി ക​ട​ന്ന​പ്പ​ള്ളി രാ​മ​ച​ന്ദ്ര​ൻ ഇ​ത്ത​വ​ണ​യും വോ​ട്ടു തേ​ടു​ന്ന​ത് ഓ​ട്ടോ​റി​ക്ഷ​യ്ക്ക്.

ക​ണ്ണൂ​ർ: ക​ണ്ണൂ​രി​ൽ മ​ന്ത്രി ക​ട​ന്ന​പ്പ​ള്ളി രാ​മ​ച​ന്ദ്ര​ൻ ഇ​ത്ത​വ​ണ​യും വോ​ട്ടു തേ​ടു​ന്ന​ത് ഓ​ട്ടോ​റി​ക്ഷ​യ്ക്ക്. 2016ൽ ​ക​ണ്ണൂ​രി​ൽ മ​ത്സ​രി​ച്ച് ജ​യി​ച്ച​പ്പോ​ഴും ഓ​ട്ടോ​റി​ക്ഷ​യാ​യി​രു​ന്നു ചി​ഹ്നം. ഇ​ത്ത​വ​ണ​യും ആ​വ​ശ്യ​പ്പെ​ട്ട ചി​ഹ്ന​ം തന്നെ അ​നു​വ​ദി​ച്ചു കി​ട്ടു​ക​യാ​യി​രു​ന്നു. പ​ശു​വും കി​ടാ​വും, ച​ർ​ക്ക, വി​മാ​നം എ​ന്നി​വ​യാ​യി​രു​ന്നു മു​ൻ​കാ​ല തെ​ര​ഞ്ഞെ​ടു​പ്പു​ക​ളി​ൽ ക​ട​ന്ന​പ്പ​ള്ളി​യു​ടെ ചി​ഹ്ന​ങ്ങ​ൾ. ആ​ദ്യ​മാ​യി 1971ൽ ​കാ​സ​ർ​ഗോ​ഡ് നി​ന്ന് ലോ​ക്സ​ഭ​യി​ലേ​ക്ക് കോ​ൺ​ഗ്ര​സ് സ്ഥാ​നാ​ർ​ഥി​യാ​യി മ​ത്സ​രി​ച്ച​പ്പോ​ൾ കോ​ൺ​ഗ്ര​സി​ന്‍റെ പ​ശു​വും കി​ടാ​വു​മാ​യി​രു​ന്നു ചി​ഹ്നം. 1977ലും ​ഇ​തേ ചി​ഹ്ന​ത്തി​ൽ മ​ത്സ​രി​ച്ചു ജ​യി​ച്ചു. 1980 ആ​ദ്യ​മാ​യി നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ ഇ​രി​ക്കൂ​റി​ൽ മ​ത്സ​രി​ക്കു​ന്പോ​ൾ ചി​ഹ്നം ച​ര്‍​ക്ക​യാ​യി. ഇ​ട​തു​മു​ന്ന​ണി​യു​ടെ ഭാ​ഗ​മാ​യ കോ​ണ്‍​ഗ്ര​സ്-​എ സ്ഥാ​നാ​ര്‍​ഥി​യാ​യി​രു​ന്നു അ​ന്ന് ക​ട​ന്ന​പ്പ​ള്ളി.
പി​ന്നീ​ട് ര​ണ്ടു ത​വ​ണ പേ​രാ​വൂ​രി​ല്‍ നി​ന്ന് മ​ത്സ​രി​ച്ച​പ്പോ​ഴും ക​ണ്ണൂ​രി​ല്‍​നി​ന്ന് ലോ​ക്‌​സ​ഭ​യി​ലേ​ക്കും മ​ത്സ​രി​ച്ച​പ്പോ​ഴും ച​ര്‍​ക്ക​യാ​യി​രു​ന്നു ചി​ഹ്നം. കോ​ണ്‍​ഗ്ര​സ്-​എ പി​ള​ര്‍​പ്പി​ന് ശേ​ഷം കോ​ണ്‍​ഗ്ര​സ്-​എ​സി​ന്‍റെ തെ​ര​ഞ്ഞെ​ടു​പ്പ​ട​യാ​ള​മാ​യി ച​ര്‍​ക്ക മാ​റി. പി​ന്നീ​ട് കോ​ണ്‍​ഗ്ര​സ്-​എ​സ്, എ​ന്‍​സി പി​യി​ല്‍ ല​യി​ച്ച​തോ​ടെ ച​ര്‍​ക്ക ചി​ഹ്നം തു​ട​ർ​ന്നെ​ങ്കി​ലും കേ​സി​നെ​ത്തു​ട​ർ​ന്ന് തെ​ര​ഞ്ഞ​ടു​പ്പ് ക​മ്മീ​ഷ​ൻ ച​ർ​ക്ക ചി​ഹ്നം മ​ര​വി​പ്പി​ച്ചു. എ​ന്‍​സി​പി പി​ള​ര്‍​ന്ന​തി​നെ​ത്തു​ട​ർ​ന്ന് ക​ട​ന്ന​പ്പ​ള്ളി കോ​ണ്‍​ഗ്ര​സ്-​എ​സ് പു​ന​രു​ജ്ജീ​വി​പ്പി​ച്ച ശേ​ഷം എ​ട​ക്കാ​ടാ​യി​രു​ന്നു മ​ത്സ​രി​ച്ച​ത്. വി​മാ​ന​മാ​യി​രു​ന്നു ചി​ഹ്നം. ച​ർ​ക്ക ചി​ഹ്ന​ത്തി​ൽ തു​ട​ർ​ച്ച​യാ​യി പ​രാ​ജ​യ​പ്പെ​ട്ടി​രു​ന്നി​ട​ത്ത് നി​ന്ന് വി​മാ​നം ക​ട​ന്ന​പ്പ​ള്ളി​യെ വി​ജ​യ​ത്തി​ലെ​ത്തി​ച്ചു.