ചരൾ: ചരൾ സെന്‍റ് സെബാസ്റ്റ്യൻസ് ദേവാലയത്തിൽ കെസിബിസി മദ്യവിരുദ്ധ സമിതി കുന്നോത്ത് മേഖലയുടെ ആഭിമുഖ്യത്തിൽ മദ്യവിരുദ്ധ ഞായർ ആചരിച്ചു. കുന്നോത്ത് ഫൊറോന വികാരി ഫാ. അഗസ്റ്റിൻ പാണ്ട്യാംമാക്കൽ ഉദ്ഘാടനം ചെയ്തു. സമിതി തലശേരി അതിരൂപത പ്രസിഡന്‍റ് ആന്‍റണി മേൽവെട്ടം യോഗത്തിൽ അധ്യക്ഷത വഹിച്ചു. മേഖല ഡയറക്ടർ ഫാ.ജിന്റോ പന്തലാനിക്കൽ, റോജസ് ചെന്നേലിൽ, ബിന്നി കിഴക്കെക്കര, സോളി രാമച്ചനാട്ട്, എന്നിവർ പ്രസംഗിച്ചു. ഫാ. ജോസഫ് കുരിശുമുട്ടിൽ, ഫാ. തോമസ് ചെരുവിൽ തുടങ്ങിയവർ പങ്കെടുത്തു. മദ്യത്തിന്‍റെ ലഭ്യത കുറയ്ക്കാനുള്ള ശക്തമായ നടപടികൾ സർക്കാരുകൾ എടുക്കണമെന്നും നിയമസഭ തെരഞ്ഞെടുപ്പ് അടുത്തു വരുന്ന ഈ സാഹചര്യത്തിൽ എല്ലാ മുന്നണികളും വ്യക്തമായ മദ്യവിരുദ്ധ നയം സ്വീകരിക്കുകയും നടപ്പിലാക്കുകയും ചെയ്യണമെന്നും യോഗം ആവശ്യപ്പെട്ടു.
ചരൾ സെന്‍റ് സെബാസ്റ്റ്യൻസ് ദേവാലയത്തിൽ കെസിബിസി മദ്യവിരുദ്ധ സമിതി കുന്നോത്ത് മേഖലയുടെ ആഭിമുഖ്യത്തിൽ മദ്യവിരുദ്ധ ഞായർ ആചരിച്ചു
