കോവിഡിനെ തുടര്ന്ന് ഒരുവര്ഷത്തോളമായി സര്വീസ് നിര്ത്തിവച്ചിരുന്ന മംഗളൂര് – ചെന്നൈ വെസ്റ്റ് കോസ്റ്റ് സൂപ്പര്ഫാസ്റ്റ് എക്സ്പ്രസ് ഏപ്രില് എട്ടുമുതല് സര്വീസ് പുനരാരംഭിക്കും.
എട്ടിന് രാത്രി 11.45ന് മംഗളൂരില് നിന്ന് ചെന്നൈയിലേക്ക് പുറപ്പെടുന്ന വെസ്റ്റ് കോസ്റ്റ് സൂപ്പര്ഫാസ്റ്റ് ഒന്പതുമുതല് പുലര്ച്ചെ 01.09 ന് പയ്യന്നൂരില് എത്തും. തിരിച്ച് ഒന്പതിന് രാവിലെ 11.35ന് ചെന്നൈയില് നിന്ന് പുറപ്പെടുന്ന ട്രെയിന് 10 മുതല് പുലര്ച്ചെ 01.14 ന് പയ്യന്നൂരില് എത്തും. മുന്കൂര് റിസര്വേഷന് ടിക്കറ്റ് മാത്രമാണ് ഈ ട്രെയിനിലും അനുവദിക്കുന്നത്.
കൂടുതല് ട്രെയിനുകള് സര്വീസ് നടത്താനാരംഭിച്ചതോടെ യാത്രക്കാരുടെ എണ്ണത്തിലും വര്ധനയുണ്ടായിട്ടുണ്ട്. ഇതേ തുടര്ന്ന് പയ്യന്നൂര് റെയില്വേ സ്റ്റേഷനിലെ സാധാരണ ടിക്കറ്റ് കൗണ്ടറിലാരംഭിച്ച റിസര്വേഷന് സമയം രാവിലെ ആറുമുതല് രാത്രി എട്ടുവരെയായി ദീര്ഘിപ്പിച്ചു.
ഇതിലൂടെ ട്രെയിനുകളുടെ സമയക്രമമനുസരിച്ച് യാത്രക്കാര്ക്ക് തത്സമയ റിസര്വേഷനുള്ള സൗകര്യമാണ് ലഭ്യമായത്. നിലവിലുണ്ടായിരുന്ന റിസര്വേഷന് കൗണ്ടര് രാവിലെ എട്ടുമുതല് ഉച്ചകഴിഞ്ഞ് രണ്ടുവരേയും പ്രവര്ത്തിക്കുന്നുണ്ട്.