കണ്ണൂർ: വിനോദ സഞ്ചാരവകുപ്പിന്‍റെ മാര്‍ക്കറ്റിംഗ് – സാഹസിക ടൂറിസം മാര്‍ഗനിര്‍ദേശങ്ങളുടെ ഭാഗമായി ജില്ലയിലെ സാഹസിക ടൂറിസം മേഖലയില്‍ പ്രവര്‍ത്തിക്കുന്ന ടൂര്‍ ഓപ്പറേറ്റര്‍മാര്‍ അടക്കമുള്ള സ്ഥാപനങ്ങള്‍ അടിയന്തരമായി രജിസ്റ്റര്‍ ചെയ്യണമെന്ന് ജില്ലാ ടൂറിസം പ്രമോഷന്‍ കൗണ്‍സില്‍ സെക്രട്ടറി അറിയിച്ചു.https://www.keralaadventure.org/ online-registration/, https://www.keralatourism.org/business/ എന്ന ലിങ്ക് വഴിയാണ് രജിസ്റ്റര്‍ ചെയ്യേണ്ടത്. വിനോദ സഞ്ചാര വകുപ്പിന്‍റെ നേതൃത്വത്തിലുള്ള വിദഗ്ധ സമിതിയുടെ സുരക്ഷാ പരിശോധനയുടെ അടിസ്ഥാനത്തില്‍ ടൂറിസം ഡയറക്ടറാണ് രജിസ്‌ട്രേഷന്‍ നല്‍കുക. സാഹസിക ടൂറിസം മേഖലയിലെ സുരക്ഷിതത്വം ഉറപ്പുവരുത്തുന്നതിനായുള്ള സംസ്ഥാന സര്‍ക്കാര്‍ അഡ്വഞ്ചര്‍ ടൂറിസം സേഫ്റ്റി ആന്‍ഡ് സെക്യൂരിറ്റി ഗൈഡ്‌ലൈന്‍സിന്‍റെ ഭാഗമായാണ് നടപടി.
സാഹസിക ടൂറിസം: ടൂര്‍ ഓപ്പറേറ്റര്‍മാര്‍ രജിസ്റ്റര്‍ ചെയ്യണം
