കൊട്ടിയൂര്‍: ചുങ്കക്കുന്നിലെ കൊട്ടിയൂര്‍ ക്ഷീരോത്പാദക സഹകരണ സംഘം തെരഞ്ഞെടുപ്പ് ഇന്ന് നടക്കും. രാവിലെ 10 മുതല്‍ ഉച്ചയ്ക്ക് ഒന്ന് വരെയാണ് തെരഞ്ഞെടുപ്പ്. എല്‍ഡിഎഫ്, യുഡിഎഫ് മുന്നണികള്‍ പത്രിക സമര്‍പ്പിച്ചിട്ടുണ്ട്. അമ്പതു വര്‍ഷമായി യുഡിഎഫ് ഭരിക്കുന്ന സംഘമാണ് കൊട്ടിയൂര്‍ ക്ഷീരോത്പാദക സഹകരണ സംഘം. നിലവില്‍ പഞ്ചായത്തംഗം പി.സി. തോമസ് പൊട്ടനാനിക്കല്‍ ആണ് പ്രസിഡന്‍റ്. എട്ടംഗ ഭരണ സമിതിയില്‍ അഞ്ചു സീറ്റുകള്‍ ജനറല്‍ വിഭാഗവും മൂന്നു സീറ്റ് സ്ത്രീ സംവരണവുമാണ്. സംഘത്തിലെ 171 പേര്‍ക്കാണ് വോട്ടവകാശം ഉള്ളത്. 42 സ്ത്രീ വോട്ടര്‍മാരും 129 പുരുഷ വോട്ടര്‍മാരും ആണ് ഉള്ളത്. തെരഞ്ഞെടുപ്പിന് കൂത്തുപറമ്പ് ഡയറി ഫാം ഇന്‍സ്‌പെക്ടര്‍ പ്രവീണ നേതൃത്വം നല്‍കും. എല്ലാ ഒരുക്കങ്ങളും പൂര്‍ത്തിയായതായി സംഘം സെക്രട്ടറി അറിയിച്ചു.
കൊട്ടിയൂര്‍ ക്ഷീരോത്പാദക സഹ. സംഘം തെരഞ്ഞെടുപ്പ് ഇന്ന്
