കണ്ണൂർ: കശുവണ്ടിക്ക് കിലോഗ്രാമിന് 150 രൂപ ലഭ്യമാക്കാൻ നപടി സ്വീകരിക്കണമെന്ന് കെപിസിസി ജനറൽ സെക്രട്ടറി സോണി സെബാസ്റ്റ്യൻ. കശുവണ്ടി സീസൺ ആരംഭിച്ചതോടെ കശുവണ്ടി കർഷകരെ മുഴുവൻ ആശങ്കപ്പെടുത്തുന്ന തരത്തിൽ കശുവണ്ടിക്ക് വിലകുറയുന്ന സാഹചര്യമാണുള്ളത്. കിലോഗ്രാമിന് 150 രൂപ എങ്കിലും കൊടുത്ത് സർക്കാർ കശുവണ്ടി കർഷകരിൽനിന്നും സംഭരിക്കാനുള്ള നടപടി സ്വീകരിക്കണം. തെരഞ്ഞെടുപ്പ് പെരുമാറ്റച്ചട്ടം നിലവിൽ വന്ന സാഹചര്യത്തിൽ ഇലക്ഷൻ കമ്മീഷന്റെ പ്രത്യേക അനുമതി വാങ്ങി കൃഷിക്കാരിൽനിന്നു കശുവണ്ടി ശേഖരിക്കാനുള്ള നടപടി സ്വീകരിക്കണമെന്നും സോണി സെബാസ്റ്റ്യൻ പ്രസ്താവനയിൽ ആവശ്യപ്പെട്ടു.