കണ്ണൂർ: രാജ്യത്ത് മൂന്നുമാസം പിന്നിട്ട കർഷക സമരം കണ്ടില്ലന്ന് നടിച്ച് ഇന്ത്യൻ കർഷക ജനതയെ അപമാനിക്കുന്ന കേന്ദ്ര സർക്കാർ നിലപാട് പ്രതിഷേധാർഹമെന്ന് കേരള കോൺഗ്രസ്‌ -എം കണ്ണൂർ ജില്ലാ നേതൃയോഗം കുറ്റപ്പെടുത്തി. ഇന്ധനവില നിത്യവും വർധിപ്പിച്ച് രാജ്യത്ത് വില വർധനവിന് സാഹചര്യം സൃഷ്ടിക്കുന്ന കേന്ദ്രസർക്കാർ നിലപാട് തിരുത്തണമെന്നും വിലവർധനയ്ക്ക് എണ്ണകമ്പനികൾക്ക് നൽകിയ അധികാരം പിൻവലിക്കണമെന്നും യോഗം ആവശ്യപ്പെട്ടു.
നേതൃസംഗമം പാർട്ടി സംസ്ഥാന ജനറൽ സെക്രട്ടറി ജോയിസ് പുത്തൻപുര ഉദ്ഘാടനം ചെയ്തു.
ജില്ലാ പ്രസിഡന്‍റ് ജോയി കൊന്നക്കൽ അധ്യക്ഷത വഹിച്ചു. സജി കുറ്റിയാനിമറ്റം, കെ.ടി.സുരേഷ് കുമാർ, ജോബിച്ചൻ മൈലാടൂർ, വി.വി. സേവി, തോമസ് മാലത്ത്, ബിനു മണ്ഡപം, ജോർജ് മാത്യു, മോളി ജോസഫ്, ടി.എസ്. ജയിംസ്, ബിജു പുതുക്കള്ളി, വിപിൻ തോമസ്, അൽഫോൺസ് കളപ്പുര, ബിനു ഇലവുങ്കൽ, രാജു ചെരിയൻകാല, ജോസ് മണ്ഡപത്തിൽ, ഏലമ്മ ഇലവുങ്കൽ, തോമസ് ഇടക്കരക്കണ്ടം എന്നിവർ പ്രസംഗിച്ചു.
കേന്ദ്രസർക്കാർ ജനവിരുദ്ധ നിലപാട് തിരുത്തണം: കേരള കോൺഗ്രസ്‌ -എം
