ഇരിട്ടി: ഇടതുപക്ഷ സർക്കാരിന്‍റെ യുവജന വഞ്ചനയ്ക്കെതിരെയും പിഎസ്‌സി ഉദ്യോഗാർഥികളുടെ സമരത്തിന് പിന്തുണ പ്രഖ്യാപിച്ചുകൊണ്ടും യൂത്ത് കോൺഗ്രസ് സംസ്ഥാന കമ്മിറ്റി നേതാക്കൾ നടത്തുന്ന നിരാഹാര സമരത്തിന് ഐക്യദാർഢ്യം പ്രഖ്യാപിച്ച് യൂത്ത് കോൺഗ്രസ് മുഴക്കുന്ന് മണ്ഡലം കമ്മിറ്റിയുടെ നേതൃത്വത്തിൽ കാക്കയങ്ങാടിൽ ഏകദിന ഉപവാസം നടത്തി. യൂത്ത് കോൺഗ്രസ് പേരാവൂർ നിയോജക മണ്ഡലം പ്രസിഡന്‍റ് സോനു വലത്തുകാരൻ, മണ്ഡലം പ്രസിഡന്‍റ് ജോഫിൻസ് ജയിംസ്, കെ.പി. നമേഷ് കുമാർ സജിത മോഹനൻ മൊയ്തീൻ പാറക്കണ്ടം,നിധിൻ പാല എന്നിവരാണ് ഉപവസിച്ചത്. യൂത്ത് കോൺഗ്രസ് സംസ്ഥാന ജനറൽ സെക്രട്ടറി വിനേഷ് ചുള്ളിയാൻ ഉദ്ഘാടനം ചെയ്തു. സണ്ണി ജോസഫ് എംഎൽഎ പ്രസംഗിച്ചു.
യൂത്ത് കോൺഗ്രസ് കണ്ണൂർ ജില്ലാ പ്രസിഡന്‍റ് സുധീപ് ജയിംസ് നാരങ്ങാനീര് നൽകി സമാപനം ഉദ്ഘാടനം ചെയ്തു. ഇരിട്ടി ബ്ലോക്ക് പഞ്ചായത്ത് പ്രസിഡന്‍റ് കെ.വേലായുധൻ, നേതാക്കളായ തോമസ് വർഗീസ്, ശരത് ചന്ദ്രൻ, ജൂബിലി ചാക്കോ, കെ.സുമേഷ്കുമാർ, ഷിജി നടുപറമ്പിൽ, വി.ശോഭ, വി.രാജു, എ.വി. രാമകൃഷ്ണൻ, കെ.വി.റഷീദ്, സിബി ജോസഫ്, എബിൻ കേളകം, യൂത്ത് ലീഗ് നേതാക്കളായ സിറാജ് പൂക്കോത്ത്, സിയ പൊയിലൻ, റംഷാദ്, അയ്യൂബ് ആറളം, നൗഫൽ ആറളം എന്നിവർ പ്രസംഗിച്ചു.
യൂത്ത് കോൺഗ്രസ് പ്രവർത്തകർ ഉപവസിച്ചു
