കൂത്തുപറമ്പ്: കൂത്തുപറമ്പ് എക്സൈസ് സർക്കിൾ, റേഞ്ച് ഓഫീസുകൾക്കായി നിർമിച്ച എക്സൈസ് കോംപ്ലക്സ് 15ന് രാവിലെ 11ന് മന്ത്രി ടി.പി. രാമകൃഷ്ണൻ ഓൺലൈനായി ഉദ്ഘാടനം ചെയ്യുമെന്ന് ഉത്തരമേഖലാ ജോയിന്റ് എക്സൈസ് കമ്മീഷണർ പി.കെ. സുരേഷ് പത്രസമ്മേളനത്തിൽ അറിയിച്ചു. ചടങ്ങിൽ മന്ത്രി കെ.കെ. ശൈലജ അധ്യക്ഷത വഹിക്കും. മന്ത്രി ഇ.പി.ജയരാജൻ, എംപിമാരായ കെ. മുരളീധരൻ, കെ. സുധാകരൻ, കെ.കെ. രാഗേഷ്, എ.എൻ ഷംസീർ എംഎൽഎ എന്നിവർ മുഖ്യാതിഥികളാകും. കൂത്തുപറമ്പ് സബ്ട്രഷറി ഓഫീസിനു സമീപമാണ് എക്സൈസ് കോംപ്ലക്സ് നിർമിച്ചത്. കണ്ണൂർ എക്സൈസ് ഡെപ്യൂട്ടി കമ്മീഷണർ എം. അൻസാരി ബീഗു, നഗരസഭാ ചെയർപേഴ്സൺ വി. സുജാത, വൈസ് ചെയർമാൻ വി. രാമകൃഷ്ണൻ എന്നിവരും പത്രസമ്മേളനത്തിൽ പങ്കെടുത്തു. പിണറായി റേഞ്ച് എക്സൈസ് ഓഫീസ് കെട്ടിടത്തിന്റെ ശിലാസ്ഥാപനം നാളെ ഉച്ച കഴിഞ്ഞ് രണ്ടിന് മന്ത്രി ടി.പി. രാമകൃഷ്ണൻ നിർവഹിക്കും.