പേരാവൂര്‍:കേളകം: കഞ്ചാവ് കൈവശം വെച്ച വയനാട് സ്വദേശിയായ യുവാവിനെ പേരാവൂര്‍ എക്‌സൈസ് പിടികൂടി എന്‍ഡിപിഎസ് ആക്ട് പ്രകാരം കേസെടുത്തു.
വയനാട് കണിയാമ്പറ്റ കമ്പളക്കാട് സ്വദേശി കാളമ്പ്രാടന്‍ വീട്ടില്‍ ഷാഹുല്‍ ഹമീദ് (23) ആണ് 20 ഗ്രാം കഞ്ചാവുമായി എക്‌സൈസ് സംഘത്തിന്റെ പിടിയിലായത്. സ്‌ട്രൈക്കിങ്ങ് ഫോഴ്‌സ് ഡ്യൂട്ടിയുടെ ഭാഗമായി രാത്രി കേളകം ഭാഗത്ത് നടത്തിയ പരിശോധനയില്‍ ബിവറേജസ് ഔട്ട്‌ലെറ്റിന് സമീപം വെച്ചാണ് ഇയാള്‍ പിടിയിലായത്. ഇയാള്‍ക്കെതിരെ മുന്‍പും എക്‌സൈസ് കേസെടുത്തിട്ടുണ്ട്.