കണ്ണൂർ: മട്ടന്നൂരിൽ സ്ഫോടക വസ്തു പൊട്ടിത്തെറിച്ച് പരിക്കേറ്റ രണ്ടാമത്തെ ആളും മരിച്ചു. മട്ടന്നൂർ പത്തൊൻപതാം മൈലിലെ വീട്ടിലാണ് ഇന്ന് വൈകിട്ടോടെ സ്ഫോടനം ഉണ്ടായത്. സ്ഫോടനത്തിൽ നേരത്തെ മരണപ്പെട്ട ആളുടെ മകനാണ് ഇപ്പോൾ മരിച്ചത്. ബുധനാഴ്ച വൈകീട്ടോടെയായിരുന്നു സംഭവം. ആക്രി സാധനങ്ങൾ സൂക്ഷിച്ചിരുന്ന മുറിയിലാണ് സ്ഫോടനം ഉണ്ടായതെന്നാണ് വിവരം. അസം സ്വദേശി ഫസൽ മകൻ സെയ്ദുൽ എന്നിവരാണ് മരിച്ചത്. സംഭവ സ്ഥലത്ത് പൊലീസ് പരിശോധന നടത്തിവരികയാണ്.