ലോ​റി​യു​ട​മ റെ​യി​ൽ​വേ​യ്ക്ക് 1,77,000 രൂ​പ ന​ഷ്ട​പ​രി​ഹാ​രം ന​ൽ​ക​ണം

ത​ല​ശേ​രി: കൊ​ടു​വ​ള്ളി റെ​യി​ൽ​വേ ഗേ​റ്റ് ലെ​വ​ൽ ക്രോ​സി​ൽ ച​ര​ക്കു​ലോ​റി കു​ടു​ങ്ങി ട്രെ​യി​ൻ ഗ​താ​ഗ​തം ത​ട​സ​പ്പെ​ട്ട സം​ഭ​വ​ത്തി​ൽ ലോ​റി​യു​ട​മ റെ​യി​ൽ​വേ​യ്ക്ക് 1,77,000 രൂ​പ ന​ഷ്ട​പ​രി​ഹാ​രം ന​ൽ​ക​ണം. റെ​യി​ൽ​വേ​യ്ക്ക് സം​ഭ​വി​ച്ച ന​ഷ്ട​ത്തി​നാ​ണ് ഇ​ത്ര​യും തു​ക ക​ണ​ക്കാ​ക്കി​യ​ത്. നാ​ലു യാ​ത്രാ​ട്രെ​യി​നു​ക​ളും ച​ര​ക്കു ട്രെ​യി​നു​ക​ളും വൈ​കി​യ​തി​നാ​ണ് ന​ഷ്ട​പ​രി​ഹാ​രം. ഇ​തു​സം​ബ​ന്ധി​ച്ച് റെ​യി​ൽ​വേ എ​ൻ​ജി​നി​യ​റിം​ഗ് വി​ഭാ​ഗം റി​പ്പോ​ർ​ട്ട് ത​യാ​റാ​ക്കി. ഡ്രൈ​വ​ർ ശ​ര​ൺ​രാ​ജി​നെ​തി​രേ റെ​യി​ൽ​വേ നി​യ​മ​പ്ര​കാ​രം ആ​ർ​പി​എ​ഫ് കേ​സെ​ടു​ത്തു. അ​റ​സ്റ്റ്ചെ​യ്ത ശ​ര​ൺ​രാ​ജി​ന് ജാ​മ്യം ന​ൽ​കി. പി​ഴ​യ​ട​ച്ച​ശേ​ഷം റെ​യി​ൽ​വേ നി​യ​മ​പ്ര​കാ​ര​മു​ള്ള ന​ട​പ​ടി നേ​രി​ടേ​ണ്ടി​വ​രും. അ​പ​ക​ട​ത്തെ തു​ട​ർ​ന്ന് ചൊ​വ്വാ​ഴ്ച ഉ​ച്ച​യ്ക്ക് 12.35 മു​ത​ൽ മൂ​ന്നു​വ​രെ ട്രെ​യി​ൻ ഗ​താ​ഗ​തം ത​ട​സ​പ്പെ​ട്ടി​രു​ന്നു. ഇ​തോ​ടെ നാ​ല് യാ​ത്രാ​ട്രെ​യി​നു​ക​ളും ച​ര​ക്ക് ട്രെ​യി​നു​ക​ളും വൈ​കി. ക്രെ​യി​ൻ ഉ​പ​യോ​ഗി​ച്ചാ​ണ് ലോ​റി പാ​ള​ത്തി​ൽ​നി​ന്നു മാ​റ്റി​യ​ത്.
കൊ​ടു​വ​ള്ളി റെ​യി​ൽ​വേ ഗേ​റ്റ് ക​ട​ന്ന് അ​ഞ്ച​ര​ക്ക​ണ്ടി ഭാ​ഗ​ത്തേ​ക്ക് പോ​ക​വെ ക​യ​റ്റ​ത്തി​ൽ നി​യ​ന്ത്ര​ണം വി​ട്ട ലോ​റി പി​ന്നോ​ട്ടു​വ​രി​ക​യാ​യി​രു​ന്നു. റെ​യി​ൽ​വേ ഗേ​റ്റി​ന്‍റെ തൂ​ൺ ത​ക​ർ​ത്ത് ലോ​റി റെ​യി​ൽ​പാ​ള​ത്തി​ൽ കു​ടു​ങ്ങി. കോ​ൽ​ക്കൊ​ത്ത​യി​ൽ​നി​ന്ന് ട​വ​റി​നു​ള്ള സ്റ്റീ​ൽ സാ​ധ​ന​ങ്ങ​ളു​മാ​യി ഇ​രി​ക്കൂ​റി​ലേ​ക്ക് പോ​കു​ക​യാ​യി​രു​ന്നു ലോ​റി.