തൊണ്ടിയില്‍:പൊതു വിദ്യാഭ്യാസ വകുപ്പ് സമഗ്ര കേരളം പദ്ധതിയില്‍ ഉള്‍പ്പെടുത്തി ഇരിട്ടി ബി.ആര്‍.സി.യുടെ നേതൃത്വത്തില്‍ തൊണ്ടിയില്‍ സെന്റ് ജോണ്‍സ് യു.പി.സ്‌കൂളില്‍ ശലഭോദ്യാനം ഒരുക്കി. പഠനത്തോടൊപ്പം പൂന്തോട്ട പരിപാലനത്തിലും വിദ്യാര്‍ത്ഥികളെ പങ്കാളികളാക്കുക എന്ന ലക്ഷ്യത്തോടെ ആരംഭിച്ച ശലഭോദ്യാനം ഇരിട്ടി സബ് ജില്ല വിദ്യാഭ്യാസ ഓഫീസര്‍ എം.റ്റി. ജെയിംസ് ഉദ്ഘാടനം ചെയതു. ഫാ. ഓസ്റ്റിന്‍ അധ്യക്ഷനായി. ബി.പി.സി.റ്റി.എം തുളസീധരന്‍ പദ്ധതി വിശദീകരണം നടത്തി. പ്രധാനാധ്യാപിക എന്‍.എസ് സൂസമ്മ, വാര്‍ഡ് മെമ്പര്‍ രാജു ജോസഫ്, പി.ടി.എ പ്രസിഡന്റ് സിബി ജോസഫ്, ലാലി കുര്യാക്കോസ് തുടങ്ങിയവര്‍ സംസാരിച്ചു. ചടങ്ങില്‍ എല്‍.എസ്.എസ്, യു.എസ്.എസ് സ്‌കോളര്‍ഷിപ്പ്, സംസ്‌കൃത സ്‌കോളര്‍ഷിപ്പ് വിജയികളെയും, കോര്‍പ്പറേറ്റ് തല സന്‍മാര്‍ഗ്ഗപാഠം ജേതാക്കളെയും ആദരിച്ചു.