മിസ് ക്വീൻ ഓഫ് ഇന്ത്യ സൗന്ദര്യ മത്സരത്തിൽ രാജസ്ഥാന്റെ വൈഷ്ണവി ശർമയ്ക്കു കിരീടം. മണപ്പുറം ഫിനാൻസിന്റെയും ഡിക്യുവിന്റെയും സഹകരണത്തോടെ പെഗാസസ് ഗ്ലോബൽ പ്രൈവറ്റ് ലിമിറ്റഡാണു മത്സരം സംഘടിപ്പിച്ചത്.
ഫസ്റ്റ് റണ്ണർ അപ്പ് കിരീടം മഹാരാഷ്ട്രയുടെ മെഹർമീത് കൗറും മിസ് ക്യൂൻ ഓഫ് ഇന്ത്യ സെക്കൻഡ് റണ്ണർ അപ്പ് കിരീടം തമിഴ്നാടിന്റെ അബിനയ സുബ്രഹ്മണ്യവും നേടി. മുൻ മിസ് ക്വീൻ ഓഫ് ഇന്ത്യ ലക്ഷ്മി മേനോൻ വിജയിയെ സുവർണ കിരീടമണിയിച്ചു.
കേരളത്തിൽനിന്നു ചന്ദ്രലേഖ നാഥ് (മിസ് ടാലന്റ്), ശ്വേത ജയറാം (മിസ് ക്വീൻ സൗത്ത്), അഖ്സ വർഗീസ് (മിസ് ക്വീൻ വെസ്റ്റ്) തുടങ്ങിയവർ വിജയികളുടെ പട്ടികയിലുണ്ട്.