കണ്ണൂർ: പ്രതിരോധ കുത്തിവയ്പെടുക്കാത്ത ഗർഭിണികൾക്കും രണ്ടുവയസിൽ താഴെയുള്ള കുട്ടികൾക്കും കുത്തിവയ്പെടുക്കുന്നതിനുള്ള’മിഷൻ ഇന്ദ്രധനുഷ്’ പദ്ധതിക്ക് തുടക്കമായി. മൂന്ന് ഘട്ടങ്ങളിലായാണ് കുത്തിവയ്പ്.
അടുത്ത രണ്ട് ഘട്ടങ്ങൾ ഏപ്രിൽ നാല്, മേയ് ഒമ്പത് തീയതികളിൽ നടക്കും. 165 സെഷനുകളിലായി രണ്ട് ഗർഭിണികളെയും 1915 കുട്ടികളെയുമാണ് പദ്ധതിയിൽ ഉൾപ്പെടുത്തിയിരിക്കുന്നത്. ബുധനാഴ്ചകളിലെ കുത്തിവയ്പ് കൂടാതെ മറ്റ് പ്രവൃത്തി ദിവസങ്ങളിലും കുത്തിവയ്പ് നൽകും. തെരഞ്ഞെടുത്ത സ്ഥലങ്ങളിൽ മൊബൈൽ കുത്തിവയ്പ് ടീമും ഇതിന്റെ ഭാഗമാകും.
കുത്തിവയ്പ് എടുക്കാനുള്ളവർ അടുത്തുള്ള ആശ, അങ്കണവാടി വർക്കറെയോ ആരോഗ്യ കേന്ദ്രവുമായോ ബന്ധപ്പെടണമെന്ന് ഡിഎംഒ (ആരോഗ്യം) അറിയിച്ചു.
previous post