തിരുവനന്തപുരം: വളർത്തു പക്ഷികളായ കോഴി , താറാവ് വസന്ത രോഗങ്ങൾക്കെതിരെ സംസ്ഥാന മൃഗസംരക്ഷണ വകുപ്പ് ഒരു മാസം നീളുന്ന പ്രതിരോധ കുത്തിവെയ്പ്പ് തീവ്ര യജ്ഞo 2022 ഫെബ്രുവരി 18 മുതൽ മാർച്ച് 17 വരെയുള്ള പ്രവർത്തി ദിവസങ്ങളിൽ സംഘടിപ്പിക്കുന്നു .
36 ദിവസത്തിനു മുകളിൽ പ്രായമുള്ള എല്ലാ പക്ഷികളെയും കുത്തിവെയ്പ്പിനു വിധേയമാക്കേണ്ടതാണ്. സംസ്ഥാനത്തെ മൃഗശുപത്രികളിൽ തികച്ചും സൗജന്യമായി ലഭിക്കുന്ന ഈ കുത്തിവെയ്പ്പ് സൗകര്യം പരമാവധി പ്രയോജനപ്പെടുത്തണമെന്ന് സംസ്ഥാന മൃഗസംരക്ഷണ വകുപ്പ് പൊതുജനങ്ങൾക്ക് നിർദേശം നൽകി. വസന്ത രോഗം ബാധിച്ചു കൂട്ടത്തോടെ ചത്തൊടുങ്ങുന്നത് മൂലം കനത്ത സാമ്പത്തിക നഷ്ടം കർഷകർക്ക് നേരിടാതിരിക്കാനും സംസ്ഥാനത്തെ പക്ഷി സമ്പത്തിനെയും മാംസ വിപണിയെയും സംരക്ഷിക്കാൻ ഈ കുത്തിവയ്പ്പ് അനിവാര്യമാണ്.